newsdesk
മലപ്പുറം : പ്രണയം നടിച്ച് പ്രായപൂർത്തിയാകാത്ത പെണ്കുട്ടിയില്നിന്ന് 15 ലക്ഷം രൂപ വിലമതിക്കുന്ന സ്വർണം തട്ടിയെടുത്ത 19കാരനെ പൊലീസ് അറസ്റ്റ് ചെയ്തു.ചാപ്പനങ്ങാടി ചേക്കത്ത് നബീർ (19) ആണ് അറസ്റ്റിലായത്.
ഇൻസ്റ്റഗ്രാം വഴി പരിചയപ്പെട്ട പ്രായപൂർത്തിയാകാത്ത പെണ്കുട്ടിയില് നിന്നാണ് ഇയാള് 24 പവൻ സ്വർണ്ണാഭരണങ്ങള് തട്ടിയെടുത്തത്. പെണ്കുട്ടിയുടെ ജ്യേഷ്ഠന്റെ ഭാര്യയുടെ ആഭരണങ്ങളാണ് ഇയാള് തന്ത്രപൂർവം പെണ്കുട്ടിയില്നിന്ന് കൈക്കലാക്കിയത്. ആഭരണം കാണാനില്ലെന്ന് കുടുംബം പൊലീസില് നല്കിയ പരാതിയില് നടത്തിയ അന്വേഷണത്തിലാണ് പെണ്കുട്ടിയുടെ സുഹൃത്തായ നബീറിന് സ്വർണം കൈമാറിയ വിവരം മനസ്സിലായത്.
തുടർന്ന് ഇൻസ്പെക്ടർ വിനോദ് വലിയാട്ടൂരിന്റെ നേതൃത്വത്തില് എസ്.ഐ സൈഫുല്ല ഇയാളെ അറസ്റ്റ് ചെയ്തു.