Report: Web Desk
മുഖ്യമന്ത്രിയുടെ പേരു പറഞ്ഞാല് സ്വപ്നയെ മാപ്പുസാക്ഷിയാക്കാമെന്ന് ഇ ഡി വാഗ്ദാനം നല്കിയതായി മൊഴി. സ്വപ്നയുടെ എസ്കോര്ട്ട് ഡ്യൂട്ടിയിലുണ്ടായിരുന്ന സിവില് പൊലീസ് ഓഫീസര് റെജിമോളുടേതാണ് മൊഴി.
ലോക്കറിലെ തുക ശിവശങ്കര് തന്നതാണെന്ന് പറയണമെന്നും ആ തുക മുഖ്യമന്ത്രി ശിവശങ്കറിന് നല്കിയതാണെന്നും പറയണമെന്നും ഇങ്ങനെ പറഞ്ഞാല് മാപ്പുസാക്ഷിയാക്കാമെന്ന് പറഞ്ഞതായും മൊഴിയിലുണ്ട്. ആഗസ്ത് 13 ന് രാത്രിയിലെ ചോദ്യം ചെയ്യലിലാണ് ഇങ്ങനെ പറഞ്ഞത്. ഇഡി, ഡിവൈഎസ്പി രാധാകൃഷ്ണനാണ് ഈ വാഗ്ദാനം നല്കിയതെന്നും മൊഴിയില് വ്യക്തമാക്കുന്നു പലപ്പോഴും പുലര്ച്ചെ നാലുമണി വരെ ചോദ്യം ചെയ്തെന്നും റെജിമോള് മൊഴി നല്കി. സ്വപ്നയുടെ ശബ്ദരേഖ അന്വേഷിക്കുന്ന സംഘത്തിനാണ് മൊഴി നല്കിയത്.
പീഡിപ്പിക്കുന്ന കാര്യം സ്വപ്ന കോടതിയിലും പറഞ്ഞു. പ്രഷര് കൊടുത്ത് ചോദ്യം ചെയ്തത് രാധാകൃഷ്ണന് ആയിരുന്നു എന്നും മൊഴിയുണ്ടായിരുന്നു. സ്വപ്നയുടെ ശബ്ദരേഖ അന്വേഷിക്കുന്ന പ്രത്യേക അന്വേഷണ സംഘത്തിനാണ് വനിതാ സിവില് പൊലീസ് ഓഫീസര് സിജി വിജയന് മൊഴി നല്കിയത്.