Web Desk
ഇരുവഴിഞ്ഞിപ്പുഴയുടെ തൃക്കുടമണ്ണക്കടവിൽ ഒഴുക്കിൽപെട്ട് കാണാതായ അന്തർസംസ്ഥാന തൊഴിലാളിക്കായി നടത്തിയ തിരച്ചിൽ രണ്ടാംദിവസവും വിഫലം. വെസ്റ്റ് ബംഗാൾ സ്വദേശി കർണാലിയാസിനെയാണ് (45) ചൊവ്വാഴ്ച വൈകീട്ടോടെ കുളിക്കുന്നതിനിടെ കാണാതായത്.
ചൊവ്വാഴ്ച നടത്തിയ തിരച്ചിലിൽ കണ്ടെത്താനാവാത്തതിനെ തുടർന്ന് ബുധനാഴ്ചയും മുക്കം അഗ്നിരക്ഷസേന, സ്കൂബ ടീം, ടാസ്ക് ഫോഴ്സ് എന്നിവ മുക്കം മുതൽ കൂളിമാടുവരെ തിരച്ചിൽ നടത്തിയെങ്കിലും ഫലമുണ്ടായില്ല. വ്യാഴാഴ്ചയും തിരച്ചിൽ തുടരും.
അസി. സ്റ്റേഷൻ ഓഫിസർ എം.സി. മനോജ്, ഫയർ ആൻഡ് റെസ്ക്യൂ ഓഫിസർമാരായ അഭിലാഷ്, മനുപ്രസാദ്, ജയേഷ്, അജേഷ്, നിയാസ്, അഖിൽ, വിജയകുമാർ, ജോഷി എന്നിവർ തിരച്ചിലിനു നേതൃത്വം നൽകി