newsdesk
ഒരു സർക്കാർ സ്കൂളിൽ PTA ഫണ്ടിൽ തയ്യാറാക്ക്കുന്ന കേരളത്തിലെ ആദ്യത്തെ AI SMART ROOM
തോട്ടുമുക്കം ഗവണ്മെന്റ് യു പി സ്കൂളിൽ സജ്ജമായി.”TECH TALENT HUB”എന്നാണ് ഈ സ്മാർട്ട് റൂമിനു പേരിട്ടുള്ളത് .
മനുഷ്യന്റെ ബുദ്ധി ശക്തി ആവശ്യമുള്ള ജോലികൾ ചെയ്യാൻ കമ്പ്യൂട്ടർ സിസ്റ്റങ്ങൾ വികസിപ്പിക്കുക എന്നതാണ് എ ഐ എന്നതിന്റെ അടിസ്ഥാന നിർവചനം .
ഈ കാലഘട്ടത്തിൽ എ ഐ എന്നത് ആരോഗ്യം ,സാമ്പത്തികം ,ഗതാഗതം ,വിദ്യാഭ്യാസം തുടങ്ങിയ മേഖലകളിൽ ഒഴിച്ചുകൂടാൻ പറ്റാത്ത പ്രാധാന്യമാണുള്ളത് .
അതുകൊണ്ട് കൊണ്ട് തന്നെ തങ്ങളുടെ സ്കൂളിലെ കുട്ടികളും എ ഐ കുറിച്ച് അറിഞ്ഞിരിക്കണം എന്നും കുറച്ചെങ്കിലും എ ഐ യെ കുറിച്ച് പരിചയപ്പെട്ടിരിക്കണം എന്നുമുള്ള ആലോചനയിൽ ആണ് സ്കൂളിലെ പി ടി എ യുടെ നേതൃത്വത്തിൽ ഇത്തരത്തിൽ ഒരു ആശയം ഉടലെടുത്തത് എന്നും ഇതിനായുള്ള എല്ലാ ഒരുക്കങ്ങളും പൂർത്തിയായതായും സ്കൂൾ പി ടി എ പ്രസിഡന്റ് അബ്ദുൽ ജബ്ബാർ പറഞ്ഞു
എ ഐ പഠന ലക്ഷ്യങ്ങളും പ്രവർത്തനങ്ങളും ഉൾകൊള്ളുന്ന പാഠ്യ പദ്ധതി ,ആവശ്യമായ ഇന്റർനെറ്റ് സൗകര്യം ,ലാപ് ടോപ്പുകൾ ,എഐ സോഫ്ട്വെയറുകൾ ,തുടങ്ങിയ എല്ലാ ഒരുക്കങ്ങളും സ്കൂളിൽ സജ്ജമായി കഴിഞ്ഞതായി പ്രധാനാധ്യാപിക പറഞ്ഞു
ഐ ടി വിദഗദ്ധനായ മുക്കം ഉപജില്ല ഐ ടി ക്ലബ് കൺവീനർ ഹാഷിദ് കെ സി യുടെ നേതൃത്വത്തിൽ ആണ്
കുട്ടികൾക്കായി TECH TALENT HUB തയ്യാറാക്കുന്നത് .
എ ഐ ക്ലാസ് വന്നതോടെ കുട്ടികൾക്ക് ക്ലാസിൽ വരാൻ താല്പര്യം കൂടിയെന്നും എ ഐ യെകുറിച്ചു കൂടുതൽ അറിയാൻ സാധിക്കുന്നുണ്ടെന്നും വിദ്യാർത്ഥികളും പറയുന്നു
സ്കൂളിലെ ഭൗതിക സാഹചര്യത്തിനു പുറമെ ഏതാണ്ട് ഒന്നര ലക്ഷത്തോളം രൂപ മുടക്കിയാണ് എ ഐ സ്മാർട്ട് റൂം നിർമിച്ചിരിക്കുന്നത്
TECH TALENT HUB ന്റെ ഔപചാരിക ഉത്ഘാടനം ഡിസംബർ 6 നു രാവിലെ 9.30ന്
തിരുവമ്പാടി നിയോജക മണ്ഡലം എം എൽ എ ലിന്റോ ജോസഫ് നിർവഹിക്കുംകൊടിയത്തൂർ പഞ്ചായത് പ്രസിഡന്റ് ദിവ്യ ഷിബു അധ്യക്ഷയാകും .