Web Desk
പാലക്കാട് കടമ്പഴിപ്പുറം വായില്യം കുന്ന് ക്ഷേത്രത്തില് നടന്ന ‘നീയാം നദി ‘ എന്ന സിനിമാ ഷൂട്ടിംഗ് സംഘത്തിന് നേരെ അക്രമണവുമായി സംഘപരിവാര് പ്രവര്ത്തകര്.
ഹിന്ദു- മുസ്ലിം പ്രണയം പ്രമേയമായി എടുക്കുന്ന സിനിമ ചിത്രീകരിക്കാന് അനുവദിക്കില്ല എന്നാണ് ഷൂട്ടിംഗ് തടഞ്ഞവര് പറഞ്ഞത്. ഇതിനിടെ സിനിമയുടെ കഥ പറയണമെന്നും സംഘപരിവാര് പ്രവര്ത്തകര് ആവശ്യപ്പെട്ടിരുന്നു. കഥ കേട്ടതോടെ ചിത്രീകരണം നിര്ത്തി വയ്ക്കാന് ആവശ്യപ്പെടുകയായിരുന്നു.
ഷൂട്ടിംഗ് ഉപകരണങ്ങള് എടുത്തെറിയുകയും, ഈ സിനിമ എവിടെയും ചിത്രീകരിക്കാന് അനുവദിക്കില്ലെന്ന് ഭീഷണിപ്പെടുത്തുകയും ചെയ്തെന്നും അണിയറ പ്രവര്ത്തകര് പറഞ്ഞു. പ്രദേശത്ത് പൊലീസ് എത്തിയിട്ടുണ്ട്. സിനിമയുടെ ചിത്രീകരണം മറ്റൊരിടത്തേക്ക് മാറ്റാനുള്ള ശ്രമത്തിലാണ് സിനിമയുടെ അണിയറ പ്രവര്തതകര്.