Report: Web Desk
പ്രശസ്ത തമിഴ് സീരിയല് താരവും അവതാരികയുമായ വി ജെ ചിത്ര (28) ആത്മഹത്യ ചെയ്തു.തമിഴിലെ പ്രസിദ്ധമായ പാണ്ഡ്യന് സ്റ്റോര്സില് പ്രധാന കഥാപാത്രത്തെ അവതരിപ്പിച്ചിട്ടുണ്ട്.
ചെന്നൈ ഫൈവ് സ്റ്റാര് ഹോട്ടലിലാണ് താരത്തെ തൂങ്ങി മരിച്ച നിലയില് കണ്ടെത്തിയത്. രാവിലെ 2.30ന് ഇ വി പി ഫിലിം സിറ്റിയില് നിന്ന് ഷൂട്ട് കഴിഞ്ഞ് തിരിച്ചെത്തിയതായിരുന്നു താരം. കുറച്ച് മാസം മുന്പ് ചിത്രയുടെ വിവാഹ നിശ്ചയം കഴിഞ്ഞിരുന്നു. ഹോട്ടലില് പ്രതിശ്രുത വരനും ബിസിനസുകാരനുമായ ഹേമന്തിനൊപ്പമായിരുന്നു താമസം. താരം ആത്മഹത്യ ചെയ്തത് വിഷാദ രോഗം മൂലമാണെന്നാണ് റിപ്പോര്ട്ട്. കുളിക്കാന് റൂമില് കയറിയ ചിത്രയെ വളരെ വൈകിയും കാണത്തതിനെ തുടര്ന്ന് ഹേമന്ത് ഹോട്ടല് അധികൃതരെ വിളിക്കുകയായിരുന്നു. പിന്നീട് മുറി തുറന്നപ്പോഴാണ് ഫാനിൽ തൂങ്ങി മരിച്ച നിലയില് ചിത്രയെ കണ്ടത്തിയത്. പൊലീസ് സംഭവത്തില് അന്വേഷണം ആരംഭിച്ചു.