Web Desk
ബസ് യാത്രാനിരക്ക് കൂട്ടണമെന്ന് ആവശ്യപ്പെട്ട് സ്വകാര്യ ബസുടമകള് സമരത്തിലേക്ക്. മിനിമം ചാര്ജ് 12 രൂപയാക്കണം എന്നാവശ്യപ്പെട്ടാണ് സമരം. വിദ്യാര്ത്ഥികളുടെ മിനിമം ചാര്ജ് ആറു രൂപയാക്കണം. മൂന്നു ദിവസത്തിനുള്ളില് സമരം പ്രഖ്യാപിക്കുമെന്ന് ബസ് ഓപ്പറേറ്റേഴ്സ് ഫെഡറേഷന് ഭാരവാഹികള് വാര്ത്താ മ്മേളനത്തില് പറഞ്ഞു. വിദ്യാര്ത്ഥികളുടെ ബസ് ചാര്ജ് വര്ധിപ്പിക്കണം. എല്ലാ സംഘടനകളുമായും ആലോചിക്കും. ജീവന് മരണ പോരാട്ടം ആയതിനാലാണ് സമരത്തിലേക്ക് നീങ്ങുന്നതെന്നും ഫെഡറേഷന് ഭാരവാഹികള് പറഞ്ഞു.
രണ്ട് വര്ഷത്തോളം വണ്ടി ഓടാതെ കിടന്നതിന്റെ ഭീമമായ നഷ്ടം പരിഹരിക്കാനാണ് ബസ് ചാര്ജ് കൂട്ടാന് ആവശ്യപ്പെടുന്നതെന്നും ബസുകളെ ആശ്രയിച്ച് ജീവിക്കുന്ന തൊഴിലാളികള്ക്ക് മുഴുവന് ശമ്പളം നല്കാനുമാണ് ആവശ്യപ്പെടുന്നതെന്നും ഫെഡറേഷന് ഭാരവാഹികള് പറഞ്ഞു. ഡീസിന് ഇപ്പോള് വില 93 രൂപയാണ്. ഇത് ഭയപ്പെടുത്തുന്നതാണെന്നും ഇവര് കൂട്ടിച്ചേര്ത്തു.