Web Desk
പ്രധാനമന്ത്രി നരേന്ദ്ര മോദി തെരഞ്ഞെടുപ്പ് പ്രചരണത്തിനായി പാലക്കാടെത്തി. ഇന്ദിര ഗാന്ധി സ്റ്റേഡിയത്തിൽ ഹെലികോപ്ടർ ഇറങ്ങിയ മോദി മൈതാനത്ത് ബിജെപിയുടെ റാലിയിൽ പ്രസംഗിക്കും. പാലക്കാട് കോട്ടമൈതാനിയിലാണ് പൊതുയോഗം നടക്കുന്നത്.
ജില്ലയിലെ പന്ത്രണ്ട് മണ്ഡലങ്ങളിലെ സ്ഥാനാര്ഥികളും പ്രധാനമന്ത്രിക്കൊപ്പം സമ്മേളന വേദിയിലുണ്ടാവുമെന്നാണ് റിപ്പോർട്ട്. പ്രധാനമന്ത്രിയുടെ സന്ദർശനത്തിനോടനുബന്ധിച്ച് രാവിലെ ഒമ്പത് മുതല് ഉച്ചയ്ക്ക് രണ്ടു വരെ നഗരത്തില് ഗതാഗത നിയന്ത്രണം ഏര്പ്പെടുത്തിയിട്ടുണ്ട്. കഴിഞ്ഞ ദിവസങ്ങളിൽ അമിത് ഷാ അടക്കമുള്ള നേതാക്കൾ കേരളത്തിലെത്തിയിരുന്നു.
കേരളത്തിനൊപ്പം നിയമസഭ തെരഞ്ഞെടുപ്പ് നടക്കുന്ന തമിഴ്നാട്ടിലും പുതുച്ചേരിയിലും പ്രധാനമന്ത്രി ഇന്ന് പ്രചരണ പരിപാടികളിൽ പങ്കെടുക്കും. ബിജെപി സംസ്ഥാന അധ്യക്ഷൻ എൽ മുരുകൻ മത്സരിക്കുന്ന തമിഴ്നാട്ടിലെ ധാരാപുരത്ത് ഉച്ചയ്ക്ക് 12.50 നാണ് ആദ്യ പരിപാടി. വൈകിട്ട് 4.30 ന് പുതുച്ചേരിയിലെ പൊതുസമ്മേളനത്തിലും പ്രധാനമന്ത്രി പങ്കെടുക്കും.