കാരശേരി സർവീസ് സഹകരണ ബാങ്ക് കോടികൾ കൈപ്പറ്റി സി.പി.എമ്മിന് വിൽക്കാൻ ശ്രമമെന്ന് പരാതി; ബാങ്ക് ഉപരോധിച്ച് ജീവനക്കാരും യു.ഡി.എഫ് പ്രവർത്തകരും

^newsdesk

സി.ഫസൽ ബാബു

മുക്കം: യു.ഡി.എഫ് ഭരിക്കുന്ന കാരശ്ശേരി സർവീസ് സഹകരണ ബാങ്ക് യു ഡി എഫ് പ്രവർത്തകരും ബാങ്ക് ജീവനക്കാരും ഉപരോധിച്ചു. രാത്രിയുടെ യാമങ്ങളിൽ ജീവനക്കാർ അറിയാതെ ജീവനക്കാരുടെ ലോഗിൻ ഐ ഡി ഉപയോഗിച്ച് ഒറ്റ ദിവസം കൊണ്ട് എണ്ണൂറിലധികം എ ക്ലാസ് മെമ്പർഷിപ്പ് പുതുതായി ചേർത്തി എന്നാരോപിച്ചായിരുന്നു സമരം.രാവിലെ 8:30 ന് ആരംഭിച്ച ഉപരോധം 10 മണിയോടെ അവസാനിപ്പിച്ചു

.13 അംഗ ഭരണസമിതിയിലെ 9 പേരും അറിയാതെയാണ് ബാങ്ക് ചെയർമാനും ജനറൽ മാനേജറും മെമ്പർഷിപ്പുകൾ ചേർത്തതെന്നും യു.ഡി.എഫ് ആരോപിച്ചു. ബാങ്കിൻ്റെ നെല്ലിക്കാപറമ്പ് ശാഖയിൽ വെച്ച് അവധി ദിവസമായ നവം.30 ഞായറാഴ്ച പുലർച്ചെ ഒരു മണിക്കും 5 മണിക്കും ഇടയിലാണ് സംഭവം.തങ്ങളറിയാതെ ലോഗിൻ ഐ ഡി ഉപയോഗിച്ച് മെമ്പർഷിപ്പ് ചേർത്ത സംഭവത്തിൽ നെല്ലിക്കാപറമ്പ് ബ്രാഞ്ച് മാനേജർ ഷൈജു തോമസും ജീവനക്കാരും മുക്കം പോലീസിൽ പരാതി നൽകി.

ഉപരോധ സമരം എൻ.സുബ്രമണ്യൻ ഉദ്ഘാടനം ചെയ്തു. സംഭവത്തിൽ ബാങ്ക് നിക്ഷേപകരടക്കം വലിയ ആശങ്കയിലാണന്നും ജീവനക്കാരുടെ ലാേഗിൻ ഐ ഡി ഉപയോഗിച്ച് പണം പോലും മാറ്റിയതായി സംശയമുണ്ടന്നും അദ്ധേഹം പറഞ്ഞു. ബാങ്ക് 52 1 കോടി നഷ്ടത്തിലാണന്നും എന്നാൽ അതിൽ നിന്ന് രക്ഷപ്പെടാനായി ഭരണകക്ഷിയെ ചെയർമാൻ കൂട്ടുപിടിക്കുകയാണന്നും കോഴിക്കോട്ടെ മാൾ നിർമ്മാണത്തിലും വലിയ സംശയമുണ്ടന്നും എൻ.സുബ്രമണ്യൻ പറഞ്ഞു.
മുസ്ലീം ലീഗ് നിയോജക മണ്ഡലം പ്രസിഡൻ്റ് സി.കെ കാസിം, ഡിസിസി മെമ്പർ എം ടി അഷ്റഫ് തുടങ്ങിയവർ സംസാരിച്ചു