newsdesk
താമരശ്ശേരി: പൂനൂര് ചീനി മുക്കില് നിര്ത്തിയിട്ട ഇലക്ട്രിക് സ്കൂട്ടര് കത്തിനശിച്ചു. ചീനി മുക്കിലെ മെഡിക്കല് ഭാരത് മെഡിക്കല്സ് ഉടമ മുഹമ്മദ് നിസാമിന്റെ സ്കൂട്ടറാണ് കത്തിനശിച്ചത്. വെള്ളിയാഴ്ച്ച വൈകുന്നേരം ആറ് മണിയോടെയായിരുന്നു സംഭവം.
സ്ഥാപനത്തിന് മുന്പില് നിര്ത്തിയിട്ടിരുന്ന സ്കൂട്ടറില് നിന്ന് ആദ്യം പുക ഉയരുകയായിരുന്നു. നിമിഷങ്ങള്ക്കുള്ളില് തീ പടര്ന്ന് പിടിച്ചു. ഓടിക്കൂടിയ ആളുകള് വെള്ളവും മണ്ണും ഉപയോഗിച്ച് തീകെടുത്താന് ശ്രമിച്ചെങ്കിലും വാഹനം പൂര്ണമായും കത്തിനശിച്ചു.
ഒന്നരലക്ഷം രൂപയോളം മുടക്കി 2022 മെയ് മാസത്തിലാണ് നിസാം ഇലക്ട്രിക് സ്കൂട്ടര് വാങ്ങിയത്. കമ്പനി അധികൃതരെയും പോലീസിലും വിവരം അറിയിച്ചിട്ടുണ്ട്.