newsdesk
തിരുവനന്തപുരം: വിവിധ ആവശ്യങ്ങളുന്നയിച്ച് മെഡിക്കല് കോളജ് ഡോക്ടര്മാരുടെ സമരം നാളെ മുതല്. അധ്യാപനം നിര്ത്തിവെച്ച് അനിശ്ചിതകാല സമരം തുടങ്ങും. തുടര്ന്നുള്ള ആഴ്ചമുതല് അടിയന്തരമല്ലാത്ത ചികിത്സകള് നിര്ത്തിവെക്കാനുമാണ് തീരുമാനം, നിസ്സഹകരണ സമരവും ശക്തമാക്കും.
ശമ്പളപരിഷ്കരണ ഉത്തരവിലെ അപാകം പരിഹരിക്കുക, ശമ്പള-ഡിഎ കുടിശ്ശിക നല്കുക, താത്കാലിക-കൂട്ട സ്ഥലംമാറ്റങ്ങള് ഒഴിവാക്കുക, തസ്തികകള് സൃഷ്ടിക്കുക തുടങ്ങിയ ആവശ്യങ്ങളുന്നയിച്ച് ജൂലായ് മുതല് സംഘടന പ്രതിഷേധത്തിലാണ്.
അത്യാഹിതവിഭാഗം, ലേബര് റൂം, ഐസിയു, കിടത്തിച്ചികിത്സ, മറ്റ് അടിയന്തരചികിത്സകള്, അടിയന്തരശസ്ത്രക്രിയകള്, പോസ്റ്റ്മോര്ട്ടം എന്നിവയെ പ്രതിഷേധപരിപാടികളില്നിന്ന് ഒഴിവാക്കിയിട്ടുണ്ടെന്ന് സംസ്ഥാന ഭാരവാഹികള് അറിയിച്ചു.