വടകരയിൽ തെരുവ് നായ ആക്രമണം; പന്ത്രണ്ട് പേർക്ക് കടിയേറ്റു

^newsdesk

കോഴിക്കോട്: വടകരയിൽ തെരുവ് നായയുടെ ആക്രമണത്തിൽ പന്ത്രണ്ട് പേർക്ക് പരിക്കേറ്റു. രാത്രി ഏഴരയോടെയാണ് ടൗണിലും താഴെ അങ്ങാടിയിലുമായി കാൽ നടയാത്രക്കാരെയും ബൈക്ക് യാത്രികരെയും നായ കടിച്ചത്. ഒന്നരമണിക്കൂറിനുള്ളിലാണ് ഇത്രയും പേരെ നായ കടിച്ചത്.

പരിക്കേറ്റവർ വടകരയിലെ ജില്ലാ ആശുപത്രിയിൽ ചികിത്സ തേടി. കഴിഞ്ഞ ദിവസം വടകരയ്ക്കടുത്ത് പണിക്കോട്ടി റോഡിലും പത്തിലേറെ പേരെ തെരുവ് നായ കടിച്ച് പരിക്കേൽപ്പിച്ചിരുന്നു.