Web Desk
കളിക്കാൻ പോയ ആറുവയസുകാരിയെ പീഡിപ്പിച്ച കേസിൽ ഒരാൾ അറസ്റ്റിൽ. മുംബൈയിൽ ഏപ്രിൽ 29നാണ് കേസിനാസ്പദമായ സംഭവം നടന്നത്. ആറു വയസുകാരിയെ പീഡിപ്പിച്ചതുമായി ബന്ധപ്പെട്ട് മുംബൈ ഒഷിവാര പോലീസ് സ്റ്റേഷനിലാണ് കേസ് രജിസ്റ്റർ ചെയ്തത്.
പോലീസ് പറയുന്നതിനനുസരിച്ച് പ്രതിയും കുട്ടിയുടെ കുടുംബവും ഒരേ കെട്ടിടത്തിൽ താമസിക്കുന്നവരാണ്. സംഭവം നടക്കുമ്പോൾ പെൺകുട്ടി കളിക്കാനായി വീടിന് പുറത്തേക്ക് ഇറങ്ങിയതാണ്. ഈ സമയത്താണ് പ്രതി കുട്ടിയെ പീഡനത്തിനിരയാക്കിയത്. ഇയാൾക്കെതിരെ പോക്സോ ഉൾപ്പെടെയുള്ള വകുപ്പുകൾ ചുമത്തിയതായി പോലീസ് പറഞ്ഞു.
‘ഐപിസിയിലെ അനുബന്ധ വകുപ്പുകളും പോക്സോ വകുപ്പുകളുടെയും അടിസ്ഥാനത്തിലാണ് കേസ് രജിസ്റ്റർ ചെയ്തിരിക്കുന്നത്’ പോലീസ് ഉദ്യോഗസ്ഥൻ പറഞ്ഞു. കുട്ടി കളിക്കാനായി താഴേക്കിറങ്ങുന്നത് പതിവായിരുന്നെന്നും പോലീസ് പറയുന്നു.
‘ആറു വയസുള്ള പെൺകുട്ടി കളിക്കാനായി താഴേക്കിറങ്ങാറുണ്ടായിരുന്നു. സംഭവദിവസം കരഞ്ഞുകൊണ്ടാണ് പെൺകുട്ടി വീട്ടിലേക്ക് തിരിച്ചെത്തിയത്, രക്തസ്രാവവുണ്ടായിരുന്നു’ പോലീസ് പറഞ്ഞു. കേസിൽ അന്വേഷണം പുരോഗമിക്കുകയാണെന്നും ഉദ്യേഗസ്ഥർ വ്യക്തമാക്കി.