WebDesk
ഇത് മണിപ്പുരിന്റെ മാത്രം വേദനയല്ല, ഇന്ത്യയുടെ മുഴുവൻ വേദനയാണെന്നും ഗവർണറുമായുള്ള കൂടിക്കാഴ്ചക്ക് ശേഷം രാഹുൽ മാധ്യമങ്ങളോട് പറഞ്ഞു.താൻ ക്യാംപുകളിൽ ഇരുവിഭാഗത്തെയും കണ്ടു. വേദനിപ്പിക്കുന്ന സംഭവങ്ങളാണ് ഉണ്ടാകുന്നത്.ക്യാംപുകളിൽ അടിസ്ഥാന സൗകര്യമേർപ്പെടുത്തണം എന്നും രാഹുൽ ആവശ്യപ്പെട്ടു. സംസ്ഥാനത്തിൻ്റെ സമാധാനം പുനസ്ഥാപിക്കാനുള്ള പ്രക്രിയയിൽ തന്നാലാകുന്ന പോലെ പങ്ക് വഹിക്കാം എന്നും രാഹുൽ അറിയിച്ചു.
രാഹുൽ ഗാന്ധി മൊയ്റാംഗ് ടൗണിലെ ദുരിതാശ്വാസ ക്യാമ്പുകൾ സന്ദർശിക്കുകയും കുടിയിറക്കപ്പെട്ട കുടുംബങ്ങളെ കാണുകയും ചെയ്തു. രണ്ട് ദിവസത്തെ സന്ദർശനത്തിനായി മണിപ്പുരിലെത്തിയ എത്തിയ രാഹുൽ വ്യാഴാഴ്ച ചുരാചന്ദ്പൂർ ജില്ലയിലെ ദുരിതാശ്വാസ ക്യാമ്പും സന്ദർശിച്ചിരുന്നു.സുരക്ഷാ പ്രശ്നങ്ങൾ ചൂണ്ടിക്കാട്ടി പൊലീസ് വാഹനവ്യൂഹം തടഞ്ഞതിനെ തുടർന്ന് രാഹുൽ ഹെലികോപ്റ്ററിലാണ് അവിടേക്ക് എത്തിയത്.
അതേസമയം, സംഘർഷാവസ്ഥ നിലനിൽക്കുന്ന . ഇംഫാലിൽ വീണ്ടും കർഫ്യു ഏർപ്പെടുത്തി. വെള്ളിഴാഴ്ച രണ്ട് മണി മുതൽ ശനിയാഴ്ച രാവിലെ അഞ്ചുവരെയാണ് കർഫ്യൂ. മണിപ്പൂരിൽ രാഷ്ട്രപതി ഭരണത്തിന് ഗവർണർ ശുപാർശ ചെയ്യാൻ സാധ്യതയെന്നാണ് റിപ്പോർട്ടുകൾ.