WebDesk
ഒഎൻവി കൾച്ചറൽ അക്കാദമി ഏർപ്പെടുത്തിയ 2023-ലെ സാഹിത്യ പുരസ്കാരം നോവലിസ്റ്റ് സി. രാധാകൃഷ്ണന്. മൂന്ന് ലക്ഷം രൂപയും ശിൽപവും പ്രശസ്തിപത്രവും അടങ്ങുന്നതാണ് പുരസ്കാരം. ഡോ. ജോർജ് ഓണക്കൂർ അധ്യക്ഷനും പ്രഭാവർമ്മ, റോസ് മേരി എന്നിവർ അംഗങ്ങളുമായ സമിതിയാണ് പുരസ്കാരം നിർണയിച്ചത്.
ഒഎൻവി യുവ സാഹിത്യ പുരസ്കാരം നീതു സി. സുബ്രഹ്മണ്യൻ, രാഖി ആർ ആചാരി എന്നിവർക്കും സമ്മാനിക്കും. പുരസ്കാര സമർപ്പണം മേയ് 27-ന് തിരുവനന്തപുരം സെനറ്റ് ഹാളിൽ നടക്കും. തുടർന്ന് ഒഎൻവി ഗാനസന്ധ്യയും നടക്കും.