newsdes
ചാത്തമംഗലം: ചാത്തമംഗലം ഗ്രാമപഞ്ചായത്തില് എം.എല്.എയുടെ മണ്ഡലം ആസ്തി വികസന ഫണ്ടില് ഉല്പ്പെടുത്തി ഭരണാനുമതി ലഭ്യമാക്കിയ രണ്ട് റോഡുകളുടെ പ്രവൃത്തികള് പി.ടി.എ റഹീം എം.എല്.എ ഉദ്ഘാടനം ചെയ്തു. 20 ലക്ഷം രൂപ അനുവദിച്ച പാലക്കാടി പുള്ളന്നൂര് ശിവക്ഷേത്രം റോഡ്, 10 ലക്ഷം രൂപ അനുവദിച്ച മാണിയേടത്ത്കുഴി കുന്നത്ത്കുഴി റോഡ് എന്നീ പ്രവൃത്തികള്ക്കാണ് തുടക്കം കുറിച്ചത്.
ചാത്തമംഗലം ഗ്രാമപഞ്ചായത്ത് പ്രസിഡണ്ട് ഓളിക്കല് ഗഫൂര് അദ്ധ്യക്ഷത വഹിച്ചു. ഗ്രാമപഞ്ചായത്ത് സ്റ്റാൻഡിങ് കമ്മിറ്റി ചെയർമാൻ വി.പി.എ സിദ്ദീഖ്, മുൻ മെമ്പർ ഇ.പി.എം കോയ, എൻ അജയൻ, സി പ്രേമൻ, കെ.പി ശശി, വേങ്ങാട്ടിൽ ബാബു എന്നിവർ സംസാരിച്ചു.