ഹെൽമറ്റില്ലാത്തതിന് വൃദ്ധന്റെ മുഖത്തടിച്ച് പൊലീസ്

Report: Web Desk

ഹെൽമറ്റില്ലാത്തതിന് വൃദ്ധന്റെ മുഖത്തടിച്ച് പൊലീസ്. ചടയമംഗലം പൊലീസ് സ്റ്റേഷനിലെ പ്രൊബേഷൻ എസ്.ഐ ഷജീമാണ് മുഖത്തടിച്ചത്. ദൃശ്യത്തിൽ വൃദ്ധനൊപ്പം മറ്റൊരു വ്യക്തിയെ കൂടി കാണാം. രാവിലെ ജോലിക്കായി പോയതാണ് ഇരുവരും.

പൊലീസ് പരിശോധനയിൽ ഹെല്ഡമെറ്റ് വയ്ക്കാത്തതിന് പിഴ അടയ്ക്കണമെന്ന് പറഞ്ഞു. പിഴ തുക കൈയിൽ ഇല്ലാതിരുന്നതിനാൽ കോടതിയിൽ പോയി നേരിട്ടടച്ചോളാം എന്ന് ഇരുവരും ഉറപ്പ് നൽകി.ഇവരുടെ മൊബൈൽ ഫോൺ ഏൽപ്പിക്കണമെന്നായി പൊലീസ് വാദം. എന്നാൽ മൊബൈൽ ഫോൺ തരേണ്ട കാര്യമില്ലല്ലോ എന്ന് വൃദ്ധൻ പൊലീസിനോട് പറഞ്ഞതോടെ തർക്കം ഉണ്ടാകുകയും പൊലീസ് വൃദ്ധന്റെ മുഖത്തടിക്കുകയുമായിരുന്നു.

സംഭവത്തിൽ റൂറൽ എസ്.പി അന്വേഷണത്തിന് ഉത്തരവിട്ടു. സെപ്ഷ്യൽ ബ്രാഞ്ച് ഡി.വൈ.എസ്.പി വിനോദിനാണ് അന്വേഷണ ചുമതല. ട്വന്റിഫോർ വാർത്തയെ തുടർന്നാണ് നടപടി.