റിയല്മീയുടെ ആദ്യ വയര്ലെസ് ചാര്ജര് ഇന്ത്യയില് അവതരിപ്പിച്ചു. ബഡ്സിനൊപ്പം കഴിഞ്ഞ വര്ഷം പ്രഖ്യാപിച്ച റിയല്മീ 10 ഡബ്ല്യു വയര്ലെസ് ചാര്ജറാണിത്. ഈ ചാര്ജര് ക്യു വയര്ലെസ് സ്റ്റാന്ഡേര്ഡിനെ പിന്തുണയ്ക്കുന്നു, റിയല്മീ ബഡ്സ് എയര് ഉള്പ്പെടെയുള്ള അനുയോജ്യമായ സ്മാര്ട്ട്ഫോണുകളും ആക്സസറികളും ചാര്ജ് ചെയ്യാന് സാധിക്കും. ഇതിനു പുറമേ 65 വാട്സ്, 50 വാട്സ് സൂപ്പര്ഡാര്ട്ട് പ്രാപ്തമാക്കിയ ചാര്ജറുകളും കമ്പനി ഉടന് ഇന്ത്യയിലേക്ക് കൊണ്ടുവരും.899 രൂപ വിലയുള്ള റിയല്മീ 10 ഡബ്ല്യു വയര്ലെസ് ചാര്ജറിന് ഡിസ്ക് പോലുള്ള ബോഡി വഴി പരമാവധി 10 വാട്സ് ഔട്ട്പുട്ട് നല്കാന് കഴിയും. ഐഫോണ് എക്സിനും ഉയര്ന്നതിനുമുള്ള ചാര്ജറായും ഇത് ഉപയോഗിക്കാം. സാംസങ് ഗ്യാലക്സി എസ് 20 പോലുള്ള സ്മാര്ട്ട് ഫോണുകളെയും പിന്തുണയ്ക്കാന് ഈ വയര്ലെസ് ചാര്ജറിന് കഴിയും. വയര്ലെസ് ചാര്ജിംഗിനായി ഐഫോണ് മോഡലുകള് പരമാവധി 7.5വാട്സ് വേഗതയില് വരുന്നതിനാല്, റിയല്മിയുടെ വയര്ലെസ് ചാര്ജറില് നിന്നുള്ള ഔട്ട്പുട്ട് അതനുസരിച്ച് മാറും. ചാര്ജര് ഒരു ലോഹമോ മാഗ്നറ്റിക് ഒബ്ജക്റ്റുമായി സമ്പര്ക്കം പുലര്ത്തുന്ന സമയത്ത് ഓട്ടോമാറ്റിക്കായി ഇത് ഓഫാകും.