ഗുരു ചേമഞ്ചേരി അരങ്ങൊഴിഞ്ഞു

Web Desk

കഥകളി ആചാര്യൻ ചേമഞ്ചേരി കുഞ്ഞിരാമൻ നായർ (105) അന്തരിച്ചു. കോഴിക്കോട് കൊയിലാണ്ടിയിലെ ചേലിയയിലെ വീട്ടിലായിരുന്നു അന്ത്യം. നൃത്തവും കഥകളിയും ഒരു പോലെ മുന്നോട്ട് കൊണ്ടുപോയ അപൂർവകലാകാരന്മാരിൽ ഒരാളായിരുന്നു ഗുരു ചേമഞ്ചേരി.

എട്ട് പതിറ്റാണ്ട് നീണ്ടു നിന്ന കലാജീവിതത്തതിനാണ് ഇന്ന് തിരശീല വീണത്. 2017ൽ രാജ്യം പദ്‌മശ്രീ പുരസ്‌കാരം നൽകി ഗുരു ചേമഞ്ചേരിയെ ആദരിച്ചു.നൃത്തത്തിനും കഥകളിക്കുമുള്ള ഫെല്ലോഷിപ്പ് നൽകി കേരള സംഗീത നാടക അക്കാദമി അദ്ദേഹത്തെ ആദരിച്ചിട്ടുണ്ട്. വാർധക്യ സഹജമായ അശ്ഖ്ങ്ങളെ തുടർന്ന് ഇന്ന് പുലർച്ചെ 4:30 ഓടെയായിരുന്നു കൊയിലാണ്ടിയിലെ വസതിയിൽ അന്ത്യം. തിരുവനന്തപുരം ദൂരദർശനിൽ നൃത്തവിഭാഗത്തിൽ ഓഡിഷൻ കമ്മിറ്റി അംഗമായും അദ്ദേഹം പ്രവർത്തിച്ചിട്ടുണ്ട്. ചെറുപ്രായത്തിൽ നൃത്തം അഭ്യസിച്ചു തുടങ്ങിയ ചേമഞ്ചേരി ഭരതനാട്യവും മോഹിനിയാട്ടവും പഠിച്ച ശേഷം കഥകളിയിൽ ശ്രദ്ധിച്ചു തുടങ്ങുകയായിരുന്നു.