newsdesk
മുക്കം: കഴിഞ്ഞ ദിവസമുണ്ടായ ശക്തമായ മിന്നലിൽ കൊടിയത്തൂർ ഗ്രാമപഞ്ചായത്തിലെ പഴം പറമ്പ് മേഖലയിൽ വൻ നാശം.പന്ത്രണ്ടാം വാർഡിൽ പെട്ട ഐലാക്കോട് ബാലശേഖരൻ്റെയും പഞ്ചായത്ത് എസ്.സി കോ-ഓർഡിനേറ്റർ നീതുവിൻ്റെയും വീടിന് നിരവധി സ്ഥലങ്ങളിൽ വിള്ളലുകൾ സംഭവിച്ചു. വീടിൻ്റെ മുറ്റത്തെ തെങ്ങ് കത്തിനശിക്കുകയും ടി.വിയും ബൾബുമുൾപ്പെടെ നശിക്കുകയും ചെയ്തിട്ടുണ്ട്.
മാവൂർ ഫയർഫോഴ്സ് എത്തിയാണ് തീ അണച്ചത്.* കറുത്തേടത്ത് നാസറിൻ്റെ വീട്ടിലെ ഫാൻ, ബൾബ് തുടങ്ങിയ ഇലക്ട്രോണിക്സ് ഉപകരണങ്ങളും നശിച്ചു.ഉമ്മിണിയിൽ മുഹമ്മദിൻ്റെ വീട്ടിലെ മോട്ടോറും കത്തിനശിച്ചിട്ടുണ്ട്. ജില്ല പഞ്ചായത്തംഗം പി.ജി മുഹമ്മദ്, വാർഡ് മെമ്പർ എസ്.എ നാസർ, മൊയ്തീൻകുട്ടി, ഷാജു റഹ്മാൻ എന്നിവർ സ്ഥലത്ത് സന്ദർശനം നടത്തി.