newsdesk
കൊടിയത്തൂർ: കാരങ്ങാടൻ കുടുംബ സംഗമത്തിന്റെ മുന്നോടിയായി സംഘടിപ്പിച്ച ഫുട്ബോൾ ടൂർണമെന്റ് മുക്കം ഫയർഫോഴ്സ് സ്റ്റേഷൻ ഓഫീസർ എം.എ.ഗഫൂർ ഉദ്ഘാടനം ചെയ്തു. നൗഷാദ് ബാവ കീഴുപറമ്പ്, അബ്ദുൽ മനാഫ് കുനിയിൽ, തുഫൈൽ പള്ളിക്കുന്ന് എന്നിവർ പ്രസംഗിച്ചു. അരുക്കുഴിക്കാട് ടീമിനെ 3-1 ന് പരാജയപ്പെടുത്തി പള്ളിക്കുന്ന് ടീം ട്രോഫി നേടി . മികച്ച കളിക്കാരനായി ഇജാസ് അരുക്കുഴിക്കാടും ഗോൾകീപ്പറായി ഫാഇസ് കോഴിശ്ശേരിയും ടോപ് സ്കോറർ ആയി ഷർഹാൻ പള്ളിക്കുന്നും തിരഞ്ഞെടുക്കപ്പെട്ടു. കബീർ വടക്കുംമുറി കളി നിയന്ത്രിച്ചു. മുതിർന്ന കുടുംബാംഗങ്ങളായ അഹമ്മദ് കുട്ടി പന്നിക്കോട്, മൊയ്തീൻകുട്ടി, ബാബു പന്നിക്കോട്, സാജിദ്, മൂസ വാലില്ലാപുഴ സമ്മാനദാനം നടത്തി.