newsdesk
തിരുവമ്പാടി : കൂമ്പാറ -കക്കാടം പൊയിൽ റൂട്ടിൽ വീണ്ടും വാഹനാപകടം. നിയന്ത്രണം വിട്ട കാർ ഇലക്ട്രിക് പോസ്റ്റിലിടിച്ച് തകർന്നു. കോട്ടയം വളവിനോട് അനുബന്ധിച്ചുള്ള അപകടവളവിലാണ് സംഭവം.
കോഴിക്കോട് സ്വദേശികളായ കുടുംബം സഞ്ചരിച്ച കാറാണ് അപകടത്തിൽപ്പെട്ടത്. വിനോദയാത്രയ്ക്കായി എത്തിയതായിരുന്നു ഇവർ. കാറിലുണ്ടായിരുന്നവർ പരിക്കുകളില്ലാതെ അത്ഭുതകരമായി രക്ഷപ്പെട്ടു .
ഇടിയുടെ ആഘാതത്തിൽ ഇലക്ട്രിക് പോസ്റ്റ് പൂർണ്ണമായും തകരുകയും റോഡിലേക്ക് മറിഞ്ഞതിനെ തുടർന്ന് റൂട്ടിൽ ഏറെനേരം ഗതാഗതം തടസ്സപ്പെടുകയും ചെയ്തു. അപകടം നടന്നയുടൻ തന്നെ നാട്ടുകാർ ഒത്തുചേർന്ന് രക്ഷാപ്രവർത്തനം നടത്തുകയും, റോഡിൽ കിടന്ന പോസ്റ്റ് മാറ്റി ഗതാഗതം പുനഃസ്ഥാപിക്കുകയും ചെയ്തു.