Web Desk
വയനാട്ടില് എസ്എഫ്ഐ പ്രവര്ത്തകര് ആക്രമിച്ച എംപി ഓഫീസ് രാഹുല് ഗാന്ധി സന്ദര്ശിച്ചു. ആക്രമണത്തിന് ശേഷം ആദ്യമായാണ് രാഹുല് വയനാട്ടിലെത്തിയത്. വെള്ളിയാഴ്ച ഉച്ചയ്ക്ക് മൂന്ന് മണിയോടെയാണ് രാഹുല് മുതിര്ന്ന കോണ്ഗ്രസ് നേതാക്കള്ക്കൊപ്പം തന്റെ ഓഫീസില് എത്തിയത്. കല്പ്പറ്റയിലെ ഓഫീസ് അക്രമിച്ച സംഭവം നിര്ഭാഗ്യകരമാണ്. ഈ ഓഫീസ് വയനാട്ടിലെ ജനങ്ങളുടെതാണ്. അക്രമം ഒന്നിനും ഒരുപരിഹാരമല്ല. ഇത് ചെയ്തത് കുട്ടികളാണ്. അവരോട് ഒരു ദേഷ്യവുമില്ല. നിരുത്തരവാദപരമായാണ് അവര് പെരുമാറിയത്. അതിന്റെ പ്രത്യാഘാതം അവര് തിരിച്ചറിഞ്ഞിട്ടുണ്ടാകില്ല. ഓഫീസ് സന്ദര്ശിച്ച ശേഷം രാഹുല് പറഞ്ഞു.
പ്രതിപക്ഷനേതാവ് വിഡി സതീശന്, കെപിസിസി പ്രസിഡന്റ് കെ സുധാകരന്, എഐസിസി ജനറല് സെക്രട്ടറി കെസി വേണുഗോപാല്, ഉമ്മന്ചാണ്ടി തുടങ്ങി നിരവധി മുതിര്ന്ന നേതാക്കളും രാഹുലിനൊപ്പമുണ്ടായിരുന്നു. തുടര്ന്ന് വൈകീട്ട് കല്പ്പറ്റയില് ബഫര് സോണ് വിഷയത്തില് നടക്കുന്ന ജനകീയസദസ് രാഹുല് ഉദ്ഘാടനം ചെയ്യും.