
WebDesk
തിരുവനന്തപുരം കന്റോണ്മെന്റ് എസിപിയുടെ നേതൃത്വത്തിലാണ് ചോദ്യം ചെയ്യല്. ജൂലൈ ഏഴിന് വീണ്ടും ചോദ്യം ചെയ്യലിന് ഹാജരാകണമെന്നും അന്ന് എസ്എസ്എല്സി, പ്ലസ് ടു സര്ട്ടിഫിക്കറ്റുകള് ഹാജരാക്കണമെന്നും ആവശ്യപ്പെട്ടിട്ടുണ്ട്. കേരള സര്വകലാശാല രജിസ്ട്രാറാണ് അന്സിലിന്റെ സര്ട്ടിഫിക്കറ്റുമായി ബന്ധപ്പെട്ട് കന്റോണ്മെന്റ് പൊലീസില് പരാതി നല്കിയത്.
അന്സിലിന്റെ പേരിലുള്ള സര്ട്ടിഫിക്കറ്റില് സര്വകലാശാലയുടെ സീലും എംബ്ലവും വിസിയുടെ ഒപ്പും വ്യാജമെന്ന് പ്രാഥമിക പരിശോധനയില് കണ്ടെത്തിയിട്ടുണ്ട്. കേസില് രണ്ട് ആഴ്ചത്തേക്ക് അന്സിലിന് ഹൈക്കോടതി ഇടക്കാല ജാമ്യം അനുവദിച്ചിരുന്നു. പ്രചരിക്കുന്ന ബിരുദ സര്ട്ടിഫിക്കറ്റ് താന് നിര്മിച്ചതല്ലെന്നാണ് അന്സില് ജലീല് നല്കിയ മൊഴി.