Web Desk
കോഴിക്കോട്ട് ജാനകിക്കാട്ടില് പതിനേഴുകാരിയെ കൂട്ടബലാത്സംഗം ചെയ്ത സംഭവത്തില് ബാലാവകാശ കമ്മിഷന് കേസെടുത്തു. ഉടന് റിപ്പോര്ട്ട് നല്കണമെന്ന് വടകര റൂറല് എസ്പിക്ക് കമ്മിഷന് നിര്ദേശം നല്കി. സംഭവത്തില് നാല് പേരെ പൊലീസ് അറസ്റ്റ് ചെയ്തിട്ടുണ്ട്. ഇവരെ ചോദ്യം ചെയ്തുവരികയാണ്. പ്രണയം നടിച്ച് പെണ്കുട്ടിയെ പീഡിപ്പിച്ചെന്നാണ് പരാതി.
ഈ മാസം മൂന്നിനാണ് കേസിനാസ്പദമായ സംഭവം. കുറ്റ്യാടി സ്വദേശിയായ 17 വയസുകാരിയാണ് പരാതി നല്കിയത്. പരാതി ലഭിച്ചയുടന് വടകര റൂറല് എസ് പി നാദാപുരം എഎസ്പിക്ക് അന്വേഷണ ചുമതല കൈമാറി. മൂന്ന് കായത്തൊടി സ്വദേശികളെയും ഒരു കുറ്റ്യാടി സ്വദേശിയേയുമാണ് പൊലീസ് കസ്റ്റഡിയിലെടുത്തത്. ഇതില് ഒരാള് പെണ്കുട്ടിയുമായി പ്രണയത്തിലായിരുന്നു. ആ പ്രണയം മുതലെടുത്താണ് നാല് പേര് ചേര്ന്ന് പതിനേഴുകാരിയെ പീഡിപ്പിച്ചത്.