Web Desk
സമൂഹ മാധ്യമമായ ക്ലബ് ഹൗസില് തീവ്രസ്വഭാവമുള്ള ഗ്രൂപ്പുകളുണ്ടെന്ന നിഗമനത്തില് പൊലീസ്. ലൈംഗിക ചാറ്റുകള്ക്കും വിഡിയോകള്ക്കും ക്ലബ് ഹൗസില് ഗ്രൂപ്പുകളുണ്ടെന്നും ഇത്തരത്തിലുള്ള റൂമുകള് സൈബര് ഷാഡോ പൊലീസിന്റെ നിരീക്ഷണത്തിലാണെന്നും പൊലീസ് മുന്നറിയിപ്പ് നല്കുന്നു.
സമൂഹത്തില് ഭിന്നിപ്പും സ്പര്ദ്ധയും വളര്ത്തുന്ന തരത്തിലും യുവജനങ്ങളെ വഴിതെറ്റിക്കുന്ന രീതിയിലും ക്ലബ് ഹൗസുകള് ആക്ടീവാണ്. ഇത്തരം റൂമുകള് സംഘടിപ്പിക്കുന്ന മോഡറേറ്റര്, സ്പീക്കര് / ഓഡിയോ പാനലുകള്ക്കെതിരെ നിയമ നടപടികള് സ്വീകരിക്കുമെന്നും പൊലീസ് മുന്നറിയിപ്പ് നല്കുന്നു.