Web Desk
പൂഞ്ഞാര് മുന് എംഎല്എ പി.സി.ജോര്ജും മകന് ഷോണ് ജോര്ജും താമസിക്കുന്ന ഈരാറ്റുപേട്ടയിലെ വീട്ടില് ക്രൈംബ്രാഞ്ചിന്റെ റെയ്ഡ്. കോട്ടയം ക്രൈംബ്രാഞ്ച് ഡിവൈഎസ്പിയുടെ നേതൃത്വത്തിലാണ് പിശോധന നടത്തുന്നത്. നടിയെ അക്രമിച്ച കേസുമായി ബന്ധപ്പെട്ടാണ് റെയ്ഡ് എന്നാണ് സൂചന. നടിയെ അക്രമിച്ച കേസിലെ പ്രതി നടന് ദിലീപിന്റെ സഹോദരനുമായി ഷോണ് ജോര്ജ് നടത്തിയ ഇടപാടുമായി റെയ്ഡിന് ബന്ധമുണ്ടെന്നാണ് ക്രൈംബ്രാഞ്ച് വൃത്തങ്ങള് പറയുന്നത്.
നടിയെ ആക്രമിച്ചതുമായി ബന്ധപ്പെട്ട ഗൂഢാലോചനാ കേസില് അറസ്റ്റിലായ ദിലീപിന്റെ സഹോദരന് അനൂപിന്റെ ഫോണില് നിന്ന് ചില വിവരങ്ങള് ക്രൈംബ്രാഞ്ചിന് ലഭിച്ചിട്ടുണ്ട്. ഒരു വാട്സ്ആപ്പ് ഗ്രൂപ്പും അതിലെ ചാറ്റുകളും അന്വേഷണത്തിന്റെ പിരിധിയിലായിരുന്നു. ഷോണ് ജോര്ജ് ദിലീപിനെ ജയിലിലെത്തി കാണുകയും ചെയ്തിരുന്നു. ഇതെല്ലാം അടിസ്ഥാനമാക്കിയുള്ളതാണ് റെയ്ഡ്.