Web Desk
വാളയാറില് സഹോദരിമാര് ദുരൂഹ സാഹചര്യത്തില് മരിച്ച കേസ് അന്വേഷിക്കുന്ന സിബിഐ സംഘം വാളയാറിലെത്തി. സിബിഐ കൊച്ചി യൂണിറ്റിലെ ഡിവൈഎസ്പി ഉമയുടെ നേതൃത്വത്തിലുളള സംഘമാണ് അട്ടപ്പളളത്ത് എത്തിയത്. കുട്ടികളെ മരിച്ച നിലയില് കണ്ടെത്തിയ വീടിനോട് ചേര്ന്ന ഷെഡിലും പരിസരത്തും പരിശോധന നടത്തി. പെണ്കുട്ടികളുടെ അമ്മയില് നിന്ന് അന്വേഷണസംഘം പ്രാഥമിക വിവരശേഖരണം നടത്തി.
വിശദമായ മൊഴിയെടുപ്പ് ഉടനുണ്ടാകുമെന്നാണ് സിബിഐ സംഘം വ്യക്തമാക്കുന്നത്. പുതിയ അന്വേഷണ സംഘത്തില് പ്രതീക്ഷയുണ്ടെന്ന് വാളയാര് പെണ്കുട്ടികളുടെ അമ്മ പറഞ്ഞു. പാലക്കാട് ക്യാമ്പ് ചെയ്ത് സംഘം അന്വേഷണം പൂര്ത്തിയാക്കുമെന്നാണ് സൂചന.