newsdesk
വയനാട്, വിലങ്ങാട് ഉരുൾപൊട്ടലിൽ പ്രതിപക്ഷത്തിന്റെ ഭാഗത്തുനിന്നുള്ള നിർദ്ദേശങ്ങൾ മുഖ്യമന്ത്രിക്ക് സമർപ്പിച്ചെന്ന് പ്രതിപക്ഷ നേതാവ് വിഡി സതീശൻ. വയനാട് പുനരധിവാസവുമായി ബന്ധപ്പെട്ട് 100 വീടുകൾ വാഗ്ദാനം ചെയ്തിരുന്നു. സർക്കാർ സ്ഥലം കണ്ടെത്തിക്കഴിഞ്ഞാൽ നടത്താമെന്ന് മുഖ്യമന്ത്രി സമ്മതിച്ചുവെന്ന് പ്രതിപക്ഷ നേതാവ് പറഞ്ഞു.
പ്രതിപക്ഷ നിർദ്ദേശം ഗൗരവത്തോടെ പരിഗണിക്കാം എന്നു മുഖ്യമന്ത്രി അറിയിച്ചതായി വിഡി സതീശൻ പറഞ്ഞു. ദുരിതബാധിതരുടെ മുഴുവൻ കടങ്ങളും എഴുതി തള്ളണമെന്ന് വിഡി സതീസൻ ആവശ്യപ്പെട്ടു. വിദ്യാഭ്യാസ വായ്പ ഉൾപ്പടെ പരിശോധിച്ച് വയനാട്ടിലും വിലങ്ങാടും എഴുതി തള്ളണമെന്ന് അദ്ദേഹം ആവശ്യപ്പെട്ടു. ഓരോ കുടുംബത്തിനും മൈക്രോ ലെവൽ പ്ലാനിങ് ഉണ്ടാക്കണമെന്നും മൈക്രോ ലെവൽ ഫാമിലി പാക്കേജ് നടപ്പാക്കണമെന്നും അദ്ദേഹം നിർദേശിച്ചു.