Report: Web Desk
മുഖ്യമന്ത്രി പിണറായി വിജയന് ഏകാധിപതിയെന്ന് ബിജെപിയില് ചേര്ന്ന ‘മെട്രോമാൻ’ ഇ ശ്രീധരൻ. അധികാരം മുഖ്യമന്ത്രി ആര്ക്കും വിട്ടുകൊടുക്കുന്നില്ലെന്ന് ഇ ശ്രീധരൻ വിമര്ശിച്ചു. ഒരു മന്ത്രിക്കും ഒന്നും ചെയ്യാൻ സ്വാതന്ത്യമില്ല. അതുകൊണ്ട് മന്ത്രിമാര്ക്ക് പലപ്പോഴും പറഞ്ഞത് മാറ്റി പറയേണ്ടി വരുന്നു. അഴിമതിയില് മുങ്ങിയ ഭരണമാണ് കേരളത്തില് നടക്കുന്നതെന്നും ഇ ശ്രീധരൻ പറഞ്ഞു.
മുഖ്യമന്ത്രിക്ക് ജനങ്ങളുമായി സമ്പര്ക്കം കുറവാണെന്നും, സിപിഎമ്മിന് ജനങ്ങളുടെ ഇടയില് മോശം ഇമേജാണ് ഉള്ളതെന്നും പുറത്തുവന്ന ഫിഷറീസ് അഴിമതി അതീവ ഗൗരവമുള്ളതും അപകടകരവുമാണെന്നും സര്ക്കാരിന്റേത് മോശം പ്രകടനമാണെന്നും മുഖ്യമന്ത്രിക്ക് പത്തില് മൂന്ന് മാര്ക്ക് പോലും നല്കാനാവില്ലെന്നും ശ്രീധരൻ വിമര്ശിച്ചു.
കോടികള് ചിലവിട്ട് പരസ്യം നല്കുക മാത്രമാണ് സര്ക്കാര് ചെയ്യുന്നത്. സമരം ചെയ്യുന്ന ഉദ്യോഗാര്ത്ഥികളുമായി ചര്ച്ചക്ക് സര്ക്കാര് തയ്യാറാകണമെന്ന് ആവശ്യപ്പെട്ട ഇ ശ്രീധരൻ, റാങ്ക് ലിസ്റ്റ് കാലാവധി നീട്ടുന്നതില് എന്താണ് ബുദ്ധിമുട്ടെന്നും ചോദിച്ചു.