newsdesk
ഇന്നലത്തെ ചെറിയ ഇടിവിന് ശേഷം സംസ്ഥാനത്ത് സ്വർണവിലയിൽ ഇന്ന് വർധനവ് രേഖപ്പെടുത്തി. 22 കാരറ്റ് സ്വർണം ഒരു ഗ്രാമിന് 14,010 രൂപയും പവന് 1,12,080 രൂപയുമാണ് ഇന്നത്തെ വിപണി നിരക്ക്. ഇന്നലെ ഒരു പവന് സ്വര്ണത്തിന് 111,960 രൂപയും ഗ്രാമിന് 13,995 രൂപയുമായിരുന്നു വില.
ഇന്നത്തെ വിവിധ കാരറ്റ് സ്വർണവില വിവരങ്ങൾ:
22 കാരറ്റ്: ഗ്രാമിന് 14,010 രൂപ, പവന് 1,12,080 രൂപ
18 കാരറ്റ്: ഗ്രാമിന് 11,510 രൂപ, പവന് 92,080 രൂപ (ഗ്രാമിന് 10 രൂപ വർധിച്ചു)
14 കാരറ്റ്: ഗ്രാമിന് 8,965 രൂപ, പവന് 71,720 രൂപ
9 കാരറ്റ്: ഗ്രാമിന് 5,780 രൂപ, പവന് 46,240 രൂപ
അതേസമയം, വെള്ളി വിലയിൽ ഇന്ന് മാറ്റമില്ല. ഒരു ഗ്രാം വെള്ളിക്ക് 245 രൂപ എന്ന നിരക്കിലാണ് വ്യാപാരം നടക്കുന്നത്.
തുടർന്നുള്ള ദിവസങ്ങളിൽ ആഗോള വിപണിയുടെ പശ്ചാത്തലത്തിൽ സ്വർണവില താഴേക്ക് പോകാനുള്ള സാധ്യതയാണ് സാമ്പത്തിക വിദഗ്ധർ വിലയിരുത്തുന്നത്. പശ്ചിമേഷ്യൻ സംഘർഷങ്ങളും ഇറാനെതിരായ യുദ്ധം അവസാനിപ്പിക്കാനുള്ള പ്രമേയം യുഎസ് സെനറ്റിൽ പരാജയപ്പെട്ടതും വിപണിയിൽ അനിശ്ചിതത്വം സൃഷ്ടിച്ചിട്ടുണ്ട്. സൗദിക്കെതിരായ ഹൂതികളുടെ ആക്രമണവും ക്രൂഡ് ഓയിൽ വില വർധനവിന് കാരണമായേക്കാം.
ക്രൂഡ് ഓയിൽ വില ഉയരുന്നത് ഡോളറിന്റെ മൂല്യം വർധിപ്പിക്കുമെന്നും, ഇത് ആഗോള വിപണിയിൽ സ്വർണത്തിന് തിരിച്ചടിയാകുമെന്നുമാണ് വിലയിരുത്തൽ. ഈ പ്രതിസന്ധികൾ തുടർന്നാൽ ആഗോള വിപണിയിൽ സ്വർണവില ഔൺസിന് 4,000 ഡോളറിന് താഴേക്ക് പോകാനും, കേരളത്തിൽ ഒരു പവൻ വില 1.05 ലക്ഷം രൂപയിലേക്ക് താഴാനും സാധ്യതയുണ്ടെന്ന് കണക്കാക്കപ്പെടുന്നു.