ഒപ്പന മത്സരം നടന്നുകൊണ്ടിരിക്കെ വിദ്യാർഥിനി തലകറങ്ങി വീണു……

WebDesk

കോഴിക്കോട്: ക്യാപ്റ്റൻ വിക്രം മൈതാനിയിലെ വേദി ഒന്നിൽ എച്ച്. എസ്. വിഭാഗം ഒപ്പന മത്സരം നടക്കുന്നതിനിടെ വിദ്യാർഥിനി തല കറങ്ങി വീണു. എറണാകുളം നോർത്ത് എച്ച്.എസ്. ഒൻപതാം ക്ലാസ് വിദ്യാർഥിനി ഐശ്വര്യയാണ് തല കറങ്ങി വീണത്.
ഒപ്പന കളിച്ച് വേദിയിൽ നിന്ന് ഇറങ്ങുമ്പോഴായിരുന്നു കുട്ടിക്ക് തല കറക്കം അനുഭവപ്പെട്ടത്. ഉടൻ കലോത്സവ വേദിയിൽ തന്നെ സജ്ജീകരിച്ച മെഡിക്കൽ വെൽഫയർ കമ്മിറ്റി ഡോക്ടർമാർ പരിചരണം നൽകി. പെൺകുട്ടിയുടെ ആരോഗ്യനില സാധാരണ നിലയിലായതായി ഡോക്ടർമാർ പറഞ്ഞു.
മണിക്കൂറുകളോളം മേക്കപ്പ് ചെയ്ത് കൃത്യമായി ഭക്ഷണം കഴിക്കാത്തിരുന്നതാണ് ആരോഗ്യ പ്രശ്നം ഉണ്ടാക്കിയത്.