Web Desk
മഴുവന്നൂര് തട്ടാംമുകളില് അമ്മ കുട്ടിയെ കെ.എസ്.ആര്.ടി.സി ബസ്സിനടിയിലേക്ക് വലിച്ചെറിഞ്ഞു. ആറ് വയസുള്ള ആണ്കുട്ടിയെയാണ് വലിച്ചെറിഞ്ഞത്. നാട്ടുകാരുടെ സമയോചിത ഇടപെടല് മൂലം കുട്ടി രക്ഷപ്പെട്ടു.
നാട്ടുകാര് ചേര്ന്ന് സ്ത്രീയെ തടഞ്ഞ് വെച്ച് പൊലീസില് ഏല്പിച്ചു. അഞ്ച് കുട്ടികളുള്ള ഇവര്ക്ക് കുട്ടിയെ വളര്ത്താന് പറ്റില്ലെന്ന് പറഞ്ഞാണ് വലിച്ചെറിഞ്ഞതെന്ന് ദൃക്സാക്ഷികള് പറഞ്ഞു. ഇവര് പ്രദേശത്ത് വാടകവീട്ടില് താമസിക്കുന്ന കുടുംബമാണ് എന്നാണ് അറിയുന്നത്. രാവിലെ 11 മണിയ്ക്കാണ് സംഭവം. കുന്നത്തുനാട് പോലീസ് സ്ഥലത്തെത്തി. കൂടുതല് ചോദ്യം ചെയ്യുന്നതിനായി യുവതിയെ കസ്റ്റഡിയിലെടുത്തു.