Film Desk
തമിഴ്നാട് മുന് മുഖ്യമന്ത്രി ജയലളിതയായി കങ്കണ റണൗത്ത് വെള്ളിത്തിരയിലെത്തുന്ന തലൈവിയുടെ ട്രെയ്ലര് പുറത്തുവിട്ടു. കഴിഞ്ഞ വര്ഷം റിലീസ് ചെയ്യാനിരുന്ന ചിത്രം കൊവിഡിനെ തുടര്ന്ന് നീട്ടിവെയ്ക്കുകയായിരുന്നു.
ഏപ്രില് 24 നാണ് ചിത്രം റിലീസ് ചെയ്യുന്നത്. അരവിന്ദ് സ്വാമിയാണ് എം.ജി.ആറായി ചിത്രത്തിലെത്തുന്നത്. ജയലളിതയുടെ ജീവിതത്തിലെ നിര്ണായക സംഭവങ്ങള് ട്രെയ്ലറിലും കാണിക്കുന്നുണ്ട്.
ജയലളിതയുടെ പതിനാറു വയസു മുതലുള്ള വ്യക്തിജീവിതവും ,രാഷ്ട്രീയ പ്രവേശനവുമാണ് ചിത്രത്തിന്റെ പശ്ചാത്തലം. എ എം വിജയ് ആണ് തലൈവി സംവിധാനം ചെയ്യുന്നത്. ഹിന്ദി,തമിഴ് , തെലുഗ് എന്നി ഭാഷകളിലായാണ് ചിത്രമൊരുങ്ങുന്നത്.
ആരാധകരുടെ ഇഷ്ടജോഡിയായി വെള്ളിത്തിരയില് നിറഞ്ഞാടിയവരായിരുന്നു ജയലളിതയും എം.ജി.ആറും. നിരവധി സിനിമകളില് ഇരുവരും ഒന്നിച്ചഭിനയിച്ചിരുന്നു. 1965 മുതല് 1973 കാലയളവില് പുറത്തിറങ്ങിയ മിക്ക ചിത്രങ്ങളിലും ഇരുവരും നായികനായകന്മാരായി എത്തിയിരുന്നു.
പിന്നീട് സിനിമ വിട്ട് രാഷ്ട്രീയത്തിലേക്കിറങ്ങിയ എം.ജി.ആറിന്റ വഴി തന്നെയാണ് ജയലളിതയും പിന്തുടര്ന്നത്.