Web Desk
കൊച്ചിയിലെ ഫ്ലാറ്റില് തൂങ്ങിമരിച്ച നിലയില് കാണപ്പെട്ട ട്രാന്സ്ജെന്ഡര് അനന്യ കുമാരി അലക്സിന്റെ പോസ്റ്റ്മോര്ട്ടം ഇന്ന് നടക്കും. കളമശേരി മെഡിക്കല് കോളജില് പ്രത്യേക മെഡിക്കല് സംഘമാണ് പോസ്റ്റ്മോര്ട്ടം നടത്തുക.
ലിംഗമാറ്റ ശസ്ത്രക്രിയയെ തുടര്ന്ന് കടുത്ത ആരോഗ്യപ്രശ്നങ്ങള് നേരിടുന്നുണ്ടെന്ന് വ്യക്തമാക്കിയിരുന്നു. തുടര്ന്നാണ് കഴിഞ്ഞ ദിവസം ട്രാന്സ്ജെന്ഡര് ആയിരുന്ന അനന്യ കുമാരിയെ മരിച്ച നിലയില് കണ്ടെത്തിയത്. ചികിത്സാ പിഴവ് സംഭവിച്ചിട്ടില്ലെന്നാണ് ആശുപത്രിയുടെ വാദം.അനന്യയുടെ ലിംഗമാറ്റ ശസ്ത്രക്രിയ നടന്ന കൊച്ചിയിലെ സ്വകാര്യ ആശുപത്രി റെനെ മെഡിസിറ്റിയില് നിന്നും പൊലീസും സാമൂഹ്യനീതി വകുപ്പ് അധികൃതരും വിവരങ്ങള് ശേഖരിക്കും.