കനത്ത മഴയെത്തുടർന്ന് തിരുവമ്പാടി – മുത്തപ്പൻപുഴ റോഡിലെ താൽക്കാലിക ചപ്പാത്ത് വെള്ളപ്പൊക്കത്തിൽ പൂർണ്ണമായി ഒലിച്ചുപോയി

^newsdesk

തിരുവമ്പാടി : കനത്ത മഴയെത്തുടർന്ന് തിരുവമ്പാടി – മുത്തപ്പൻപുഴ റോഡിലെ താൽക്കാലിക ചപ്പാത്ത് വെള്ളപ്പൊക്കത്തിൽ പൂർണ്ണമായി ഒലിച്ചുപോയി. പ്രദേശത്ത് ഗതാഗതം പൂർണ്ണമായും തടസ്സപ്പെടുകയും യാത്രാസൗകര്യം നിലയ്ക്കുകയും ചെയ്തതോടെ, നിലവിൽ നിർമ്മാണത്തിലിരിക്കുന്ന പുതിയ പാലം താൽക്കാലികമായി തുറന്നുകൊടുത്തു.

യാത്രക്കാരുടെയും പ്രദേശവാസികളുടെയും ബുദ്ധിമുട്ട് കണക്കിലെടുത്താണ് നിർമ്മാണത്തിലുള്ള പാലത്തിലൂടെ താൽക്കാലികമായി ഗതാഗതം അനുവദിച്ചിരിക്കുന്നത്.

യാത്രാ നിയന്ത്രണങ്ങളും നിർദ്ദേശങ്ങളും:

ചെറിയ വാഹനങ്ങൾക്ക് മാത്രം അനുമതി: ഓട്ടോറിക്ഷ, ജീപ്പ്, കാറുകൾ, ആംബുലൻസ് തുടങ്ങിയ ലൈറ്റ് മോട്ടോർ വാഹനങ്ങൾക്കും (4-വീലർ) ഇരുചക്രവാഹനങ്ങൾക്കും മാത്രമാണ് പാലത്തിലൂടെ കടന്നുപോകാൻ അനുമതിയുള്ളത്.