newsdesk
ഡൽഹി : താജ്മഹലില് ഉറൂസ് നടത്തരുതെന്ന ആവശ്യവുമായി ഹിന്ദുമഹാസഭ. ആഗ്ര കോടതിയിലാണ് ഹിന്ദു മഹാസഭ ഹര്ജി സമര്പ്പിച്ചിരിക്കുന്നത്. ഈ വര്ഷത്തെ ഉറൂസ് ഫെബ്രുവരി ആറ് മുതല് എട്ട് വരെ നടക്കാനിരിക്കെയാണ് ഹര്ജിയുമായി ഹിന്ദുമഹാസഭ രംഗത്തെത്തിയിരിക്കുന്നത്. താജ്മഹല് പൈതൃക സ്മാരകങ്ങളുടെ പട്ടികയിലുണ്ടെന്ന് ചൂണ്ടിക്കാട്ടിയാണ് ഉറൂസിനെതിരെ ഹിന്ദു മഹാസഭ ഹര്ജി നല്കിയിരിക്കുന്നത്.
സ്മാരകത്തില് മതപരമായ ആചാരങ്ങള് നടത്തുന്നത് ശരിയല്ലെന്നാണ് ഹര്ജിയിലൂടെ ചൂണ്ടിക്കാട്ടിയിരിക്കുന്നത്. പ്രാചീനമായ ഹിന്ദു മതവിശ്വാസങ്ങളുമായി ബന്ധപ്പെട്ട വിഷയങ്ങളും ഹര്ജിയില് സൂചിപ്പിച്ചിട്ടുണ്ടെന്നാണ് വിവരം. ഇതുമായി ബന്ധപ്പെട്ട ചില തെളിവുകളും രേഖകളും തങ്ങളുടെ പക്കലുണ്ടെന്നാണ് ഹിന്ദു മഹാസഭയുടെ അവകാശവാദം.