Web Desk
ആനയുടെ മുന്നിൽ നിന്ന് പിതാവും കുട്ടിയും തലനാരിഴയ്ക്ക് രക്ഷപ്പെടുന്ന വിഡിയോ സമൂഹ മാധ്യമങ്ങളിൽ വൈറലാവുന്നു. പിതാവിന്റെ ആത്മധൈര്യത്തെ പ്രശംസിച്ചുകൊണ്ട് വിഡിയോ ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
കോഴിക്കോട് – മലപ്പുറം ജില്ലാ ബോർഡറിൽ പഴംപറമ്പ് തൃക്കളിയൂർ ക്ഷേത്രത്തിനടുത്താണ് ഞെട്ടിക്കുന്ന സംഭവം നടന്നത്. പിതാവ് ആനയ്ക്ക് ഭക്ഷണം കൊടുക്കുന്നത് കണ്ട് മകനും ഒപ്പം കൂടുകയായിരുന്നു. ആദ്യം കുട്ടിയെ പിതാവ് നിരുത്സാഹപെടുത്തിയെങ്കിലും കുട്ടി നിർബന്ധം പിടിക്കുകയായിരുന്നു. ഭക്ഷണം കൊടുക്കാൻ ശ്രമിക്കുന്നതിനിടയിൽ അപ്രതീക്ഷിതമായി ആന തുമ്പിക്കൈ ഉപയോഗിച്ച് കുട്ടിയെ ആക്രമിക്കാൻ ശ്രമിച്ചത്.
ഉടൻ തന്നെ പിതാവ് കുട്ടിയെ വലിച്ചു മാറ്റിയതിനാലാണ് വൻ ദുരന്തം ഒഴിവായത്. രണ്ട് പേർക്കും പരുക്കുകൾ ഒന്നും സംഭവിച്ചിട്ടില്ല.
