Web Desk
ഇന്ത്യയില് നിന്ന് അഫ്ഗാനിസ്ഥാനി ലേക്കും തിരിച്ചുമുള്ള വാണിജ്യ വിമാന സര്വീസുകള് പുനഃരാരംഭിക്കണമെന്ന് താലിബാന്. താലിബാന് നിയന്ത്രണത്തിലുള്ള അഫ്ഗാന് സിവില് ഏവിയേഷന് അതോറിറ്റിയാണ് ഇക്കാര്യം ആവശ്യപ്പെട്ട് ഇന്ത്യയുടെ ഡയറക്ടറേറ്റ് ജനറല് ഓഫ് സിവില് ഏവിയേഷന് കത്തെഴുതിയത്. ഇസ്ലാമിക് എമിറേറ്റ് ഓഫ് അഫ്ഗാനിസ്ഥാന് എന്ന ലെറ്റര്ഹെഡിലാണ് താലിബാന് കത്തെഴുതിയിരിക്കുന്നത്. ഇന്ത്യയുമായി താലിബാന് നടത്തുന്ന ആദ്യത്തെ ഔദ്യോഗിക ആശയവിനിമയമാണ് ഇതെന്നാണ് റിപ്പോര്ട്ട്. സെപ്റ്റംബര് ഏഴാം തീയതിയാണ് കത്തെഴുതിയിരിക്കുന്നത്. നിലവില് അഫ്ഗാനിസ്ഥാന് പുറത്തേക്ക് വിമാന സര്വീസുള്ള രണ്ട് രാജ്യങ്ങള് ഇറാനും പാകിസ്ഥാനുമാണ്. ഇതിന് പുറമെ യു.എ.ഇ, ഖത്തര്, തുര്ക്കി, ഉക്രൈന് എന്നിവിടങ്ങളിലേക്ക് പ്രത്യേക വിമാനങ്ങളും ഉണ്ട്.