Web Desk
സംസ്ഥാനത്ത് നാളെ മുതല് രാത്രികാല കര്ഫ്യൂ ഏര്പ്പെടുത്തി. രാത്രി 9 മുതല് രാവിലെ 6 വരെയാണ് കര്ഫ്യൂ. പൊതുഗതാഗതത്തിന് നിയന്ത്രണമില്ല. വര്ക്ക് ഫ്രം ഹോം നടപ്പാക്കും. പൊതു ഇടങ്ങളിലെ തിരക്ക് കുറയ്ക്കുന്നതിനുള്ള കര്ശന നപടികള് സ്വീകരിക്കണമെന്ന് പോലീസ് ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് നടപടികൾ. സംസ്ഥാനത്ത് കൊവിഡ് വളരെ വേഗത്തിലാണ് പടര്ന്നു പിടിക്കുന്നത്. കൊവിഡിനിടെ തൃശൂര് പൂരം നടത്തുന്നതിനെതിരെയും വലിയ രീതിയിലുള്ള വിമര്ശനമാണ് വിവിധ കോണുകളില് നിന്ന് ഉയരുന്നത്.
കഴിഞ്ഞ ദിവസം മാത്രം സംസ്ഥാനത്ത് 18,257 പേര്ക്കാണ് കൊവിഡ് സ്ഥിരീകരിച്ചത്. എറണാകുളം 2835, കോഴിക്കോട് 2560, തൃശൂര് 1780, കോട്ടയം 1703, മലപ്പുറം 1677, കണ്ണൂര് 1451, പാലക്കാട് 1077, തിരുവനന്തപുരം 990, കൊല്ലം 802, ആലപ്പുഴ 800, ഇടുക്കി 682, പത്തനംതിട്ട 673, കാസര്ഗോഡ് 622, വയനാട് 605 എന്നിങ്ങനേയാണ് ജില്ലകളില് ഞായറാഴ്ച്ച രോഗ ബാധ സ്ഥിരീകരിച്ചത്.