newsdesk
മുക്കം ∙കൊയിലാണ്ടി–എടവണ്ണ സംസ്ഥാന പാതയിൽ മുക്കം –അരീക്കോട് റോഡിൽ അപകടം തുടരുന്നു. സംസ്ഥാന പാതയിൽ അപകടങ്ങൾ പതിവായി നടക്കുന്ന സ്ഥലങ്ങൾ പരിശോധിച്ച് റിപ്പോർട്ട് സമർപ്പിക്കാൻ മന്ത്രി കെ.ബി.ഗണേഷ് കുമാർ നിർദേശം നൽകിയിരുന്നു.
വെള്ളിയാഴ്ച ഗോതമ്പ് റോഡിൽ പാറമ്മൽ നഫീസ് (71) കാറിടിച്ചാണു മരിച്ചത്. തൊട്ടു മുൻപ് ഓടത്തെരുവ് ഭാഗത്ത് ബൈക്കുകൾ കൂട്ടിയിടിച്ച് 2 പേർ ഗുരുതരാവസ്ഥയിൽ ചികിത്സയിലാണ്.റോ‍ഡിലെ അശാസ്ത്രീയമായ നവീകരണ പ്രവൃത്തികൾക്കെതിരെ വ്യാപക പരാതി
ഉയർന്നതിനിടയിലാണു വീണ്ടും അപകടങ്ങൾ. ഓടത്തെരുവ്, മാടാംപുറം, വളവുകളിലെയും കറുത്തപറമ്പ്, നെല്ലിക്കാപറമ്പ്, ഗോതമ്പ് റോഡ്, ഭാഗങ്ങളിലെയും സ്ഥിരം അപകടങ്ങളെ കഴിഞ്ഞ ദിവസം വാർത്ത പ്രസിദ്ധീകരിച്ചിരുന്നു. തുടർന്നായിരുന്നു അന്വേഷണത്തിന് പൊലീസിനും മോട്ടർ വാഹന വകുപ്പിനും മന്ത്രി നിർദേശം നൽകിയത്.