Entertainment Desk
മോഹന്ലാല്- ഷാജി കൈലാസ് കൂട്ടുകെട്ടിലൊരുങ്ങുന്ന പുതിയ ചിത്രത്തിന് തുടക്കം. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് സിനിമ നിര്മിക്കുന്നത്. സിനിമയുടെ പൂജാ ചിത്രങ്ങള് ആശിര്വാദ് സിനിമാസ് ഫേസ്ബുക്കില് പങ്കുവെച്ചിട്ടുണ്ട്. 12 വര്ഷത്തിന് ശേഷമാണ് ഷാജി കൈലാസ്- മോഹന്ലാല് കൂട്ടുകെട്ട് ഒന്നിക്കുന്ന ഒരു ചിത്രം എത്തുന്നത്.ഷാജി കൈലാസ്-മോഹന്ലാല് കൂട്ടുകെട്ടില് 2000ല് എത്തിയ സൂപ്പര്ഹിറ്റ് ചിത്രം ‘നരസിംഹ’മായിരുന്നു ആശിര്വാദ് സിനിമാസിന്റെ ലോഞ്ചിംഗ് ചിത്രം. ആശിര്വാദിന്റെ 30ാം ചിത്രമാണ് ഇത്. 2009ല് പുറത്തെത്തിയ ക്രൈം ത്രില്ലര് ചിത്രം ‘റെഡ് ചില്ലീസി’നു ശേഷം മോഹന്ലാല് നായകനാവുന്ന ഷാജി കൈലാസ് ചിത്രം കൂടിയാണിത്. മുന്പ് ഷാജി കൈലാസിന്റെ ടൈം, സൗണ്ട് ഓഫ് ബൂട്ട്, മദിരാശി, ജിഞ്ചര് എന്നീ സിനിമകള്ക്ക് രചന നിര്വ്വഹിച്ച രാജേഷ് ജയരാമനാണ് ചിത്രത്തിന് തിരക്കഥ ഒരുക്കുന്നത്.