Web Desk
ആശ്വാസം പകർന്ന് രാജ്യത്തെ കൊവിഡ്-19 കണക്കുകൾ. കഴിഞ്ഞ രണ്ടാഴ്ചയായി രാജ്യത്ത് പുതിയ കൊവിഡ് കേസുകളിൽ കുറവ് രേഖപ്പെടുത്തുന്നുണ്ട്. കഴിഞ്ഞ 24 മണിക്കൂറിനിടെ രാജ്യത്ത് 84,332 കൊവിഡ് കേസുകളാണ് രാജ്യത്ത് റിപ്പോർട്ട് ചെയ്തത്. പ്രതിദിന രോഗികളുടെ എണ്ണം കുറഞ്ഞതോടെ ഡൽഹിയടക്കമുള്ള സംസ്ഥാനങ്ങളിൽ ലോക്ക്ഡൗൺ ഇളവുകൾ തുടരുകയാണ്.
കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം രാജ്യത്ത് കഴിഞ്ഞ 24 മണിക്കൂറിനിടെ 84,332 പുതിയ കൊവിഡ് കേസുകളാണ് രാജ്യത്ത് റിപ്പോർട്ട് ചെയ്തത്. ഇതോടെ സ്ഥിരീകരിച്ച ആകെ കൊവിഡ് കേസുകളുടെ എണ്ണം 2,93,59,155 ആയി ഉയർന്നു. കഴിഞ്ഞ മൂന്നാഴ്ചയായി രാജ്യത്ത് കൊവിഡ് പ്രതിദിന കണക്ക് കുറയുന്നത് പ്രതിരോധ പ്രവർത്തനങ്ങൾ വേഗത്തിലാക്കുന്നുണ്ട്.
പ്രതിദിന കേസുകളിൽ കുറവ് സംഭവിച്ചെങ്കിലും മരണനിരക്ക് നിയന്ത്രിക്കാൻ കഴിയാത്തതാണ് തിരിച്ചടിയാകുന്നത്. കഴിഞ്ഞ 24 മണിക്കൂറിനിടെ 4,002 മരണങ്ങൾ റിപ്പോർട്ട് ചെയ്തു. ഇതോടെ രാജ്യത്തെ ആകെ കൊവിഡ് മരണസംഖ്യ 3,67,081 ആയി ഉയർന്നു. ഗുരുതരമായ ആവസ്ഥയിൽ കഴിയുന്നവരുടെ എണ്ണം ഉയർന്ന തോതിൽ തുടരുന്നതാണ് മരണസംഖ്യ ഉയർന്ന തോതിൽ തുടരുന്നത്. രോഗമുക്തി നേടുന്നവരുടെ എണ്ണത്തിൽ വർധനയുള്ളത് പ്രതിരോധ പ്രവർത്തനങ്ങൾ നേട്ടമായി. കഴിഞ്ഞ 24 മണിക്കൂറിനിടെ 1,21,311 പേർ രോഗമുക്തി നേടിയെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി. ഇതോടെ രാജ്യത്ത് കൊവിഡ് മുക്തി നേടിയവരുടെ ആകെ എണ്ണം 2,79,11,384 ആയി. 10,80,690 സജീവ കേസുകൾ നിലവിലുണ്ടെന്നും കേന്ദ്രം വ്യക്തമാക്കി. ഇതിനിടെ രാജ്യത്ത് 24,96,00,304 പേർക്ക് കൊവിഡ് പ്രതിരോധ വാക്സിൻ നൽകാനായെന്ന് റിപ്പോർട്ടിൽ വ്യക്തമാക്കുന്നുണ്ട്.