Web Desk
റോയിട്ടേഴ്സ് ഫോട്ടോ ജേര്ണലിസ്റ്റ് ഡാനിഷ് സിദ്ദിഖി കൊല്ലപ്പെട്ടതായി റിപ്പോര്ട്ട്. അഫ്ഗാനിസ്ഥാനില് താലിബാന് ആക്രമണത്തിലാണ് അദ്ദേഹം കൊല്ലപ്പെട്ടത്.
പുലിസ്റ്റര് പ്രൈസ് നേടിയ ഇന്ത്യന് ഫോട്ടോ ജേര്ണലിസ്റ്റാണ് ഡാനിഷ്. 2018 ലാണ് ഡാനിഷിന് പുലിസ്റ്റര് പ്രൈസ് ലഭിച്ചത്.അദ്നാന് ആബിദിക്കൊപ്പം പുലിസ്റ്റര് പുരസ്കാരത്തിന് അര്ഹനായത്. റോഹിന്ഗ്യന് അഭയാര്ത്ഥികളുടെ ജീവിതം പകര്ത്തിയതിനായിരുന്നു പുരസ്കാരം.
2015ലെ നേപ്പാള് ഭൂകമ്പം, 2016-17 മൊസൂള് യുദ്ധം, രോഹിന്ഗ്യ പ്രതിസന്ധി, ഹോങ്കോങ് പ്രതിഷേധം, ദല്ഹി കലാപം എന്നിവയുടെ ഡാനിഷ് പകര്ത്തിയ ചിത്രങ്ങള് ശ്രദ്ധേയമാണ്.
കൊവിഡ് മഹാമാരിക്കാലത്തെ ഭീകരത വെളിവാക്കുന്ന ഡാനിഷിന്റെ ചിത്രങ്ങള് ഏറെ ചര്ച്ചയായിരുന്നു. കൊവിഡ് ബാധിച്ച് മരിച്ചവരുടെ മൃതദേഹങ്ങള് ദല്ഹിയില് കൂട്ടമായി കത്തിക്കുന്നതിന്റെ ഫോട്ടോ ഡാനിഷ് പകര്ത്തിയിരുന്നു.ദല്ഹി കലാപത്തിനിടെ ഇദ്ദേഹം പകര്ത്തിയ ഒരു ചിത്രം 2020ലെ ഏറ്റവും മികച്ച ചിത്രമായി റോയിട്ടേഴ്സ് തെരഞ്ഞെടുത്തിട്ടുണ്ട്.