Web Desk
ബിജെപി ദേശീയ നിര്വാഹക സമിതി പുനസംഘടിപ്പിച്ചു. അല്ഫോണ്സ് കണ്ണന്താനത്തെയും ശോഭാ സുരേന്ദ്രനേയും നിര്വാഹക സമിതിയില് നിന്ന് ഒഴിവാക്കി. കുമ്മനം രാജശേഖരനും കേന്ദ്രമന്ത്രി വി മുരളീധരനും സമിതിയില് തുടരും. അതേസമയം മെട്രോമാന് ഇ ശ്രീധരനെ പ്രത്യേക ക്ഷണിതാവായി ഉള്പ്പെടുത്തി. ഒ രാജഗോപാലും നിര്വാഹക സമിതി പട്ടികയില് ഇല്ല. പ്രായാധിക്യം മൂലമാണ് രാജഗോപാലിനെ ഒഴിവാക്കിയതെന്നാണ് റിപ്പോര്ട്ട്. പികെ കൃഷ്ണദാസും പ്രത്യേക ക്ഷണിതാവാണ്. എപി അബ്ദുള്ള കുട്ടി വൈസ് പ്രസിഡന്റായും ടോം വടക്കന് വക്താവായും തുടരും.
ദേശീയ നിര്വാഹക സമിതിയില് 80 അംഗങ്ങളാണുള്ളത്. പ്രധാനമന്ത്രി നരേന്ദ്ര മോദി, മുതിര്ന്ന നേതാക്കളായ എല്കെ അദ്വാനി, മുരളി മനോഹര് ജോഷി, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ, നിതിന് ഗഡ്കരി, പീയൂഷ് ഗോയല് തുടങ്ങിയവര് നിര്വാഹക സമിതിയില് അംഗങ്ങളാണ്. 50 പ്രത്യേക ക്ഷണിതാക്കളും 179 സ്ഥിരം ക്ഷണിതാക്കളും ദേശീയ സമിതിയിലുണ്ട്.