Web Desk
നടി അര്ച്ചന കവിയുടെ പരാമര്ശത്തില് വിശദീകരണം നല്കി പൊലീസ് ഉദ്യോസ്ഥര്. സ്വാഭാവിക നടപടിക്രമങ്ങള് മാത്രമാണ് പൂര്ത്തിയാക്കിയത്. വിവരങ്ങള് തേടിയത് രാത്രി പട്രോളിംഗിന്റെ ഭാഗമായാണ്. ഒരു തരത്തിലും മോശമായി പെരുമാറിയിട്ടില്ലെന്ന് പൊലീസ് ഉദ്യോഗസ്ഥര് മറുപടി നല്കി. സുഹൃത്തിനും കുടുംബത്തിനുമൊപ്പം രാത്രി യാത്ര ചെയ്യവേയാണ് മോശം അനുഭവം നേരിട്ടതെന്ന് താരം പറയുന്നു. സ്ത്രീകള് മാത്രമായി ഓട്ടോയില് യാത്ര ചെയ്ത തങ്ങളെ തടഞ്ഞു നിര്ത്തി ചോദ്യം ചെയ്യുകയായിരുന്നു എന്ന് അര്ച്ചന വ്യക്തമാക്കി. വീട്ടില് പോവുകയാണ് എന്ന് പറഞ്ഞപ്പോള് എന്തിനാണ് വീട്ടില് പോകുന്നതെന്ന് പൊലീസ് ചോദിച്ചുവെന്നും അര്ച്ചന കൂട്ടിച്ചേര്ത്തു. ഈ സമയത്ത് യാത്ര ചെയ്യുന്നത് തെറ്റാണോ എന്ന ചോദ്യത്തോടെയാണ് അര്ച്ചന കുറിപ്പ് പങ്കുവച്ചത്. കേരള പൊലീസ്, ഫോര്ട്ട് കൊച്ചി എന്നീ ഹാഷ് ടാഗുകളും അര്ച്ചന പോസ്റ്റിനൊപ്പം ചേര്ത്തിട്ടുണ്ട്.