Web Desk
ചായക്കട നടത്തുന്ന വീട്ടമ്മയെ പുലർച്ചെ വിളിച്ചുണർത്തി കുത്തി പരിക്കേൽപ്പിച്ചു. അടൂർ പഴകുളത്തിന് സമീപം ചായക്കട നടത്തുന്ന പഴകുളം കോട്ടപ്പുറം തെക്കേതില് ഷീബ(41)ക്കാണ് പരിക്കേറ്റത്. പ്രതി തിരുവനന്തപുരം സ്വദേശിയായ ടാപ്പിംഗ് തൊഴിലാളിക്കായി പോലീസ് അന്വേഷണം ഊർജിതമാക്കി.ടാപ്പിംഗ് ജോലിക്ക് ഇറങ്ങും മുൻപ് പുലർച്ചെ നാലരയോടെ കടയിൽ ചായ കുടിക്കാനായാണ് ഇയാൾ എത്തിയത്. ചായ പറഞ്ഞ ശേഷം കടയുടമയെ ആക്രമിക്കാൻ ശ്രമിക്കുകയായിരുന്നു. ഇത് ചെറുക്കുന്നതിനിടെ ടാപ്പിംഗ് കത്തി കൊണ്ട് കുത്തി പരുക്കേൽപ്പിക്കുകയായിരുന്നു. ഇവരുടെ വയറിലും കാലിലും കാര്യമായ പരുക്കേറ്റിട്ടുണ്ട്. ഗുരുതരമായി പരുക്കേറ്റ ഷീബയെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചിരിക്കുകയാണ്. പ്രതിയെ കണ്ടെത്താനായുള്ള അന്വേഷണം നടക്കുന്നതായി അടൂർ പോലീസ് അറിയിച്ചു.