Report: Web Desk
രോഗിയെ പുഴുവരിച്ച സംഭവത്തിൽ ഡോക്ടര്ക്കും നഴ്സുമാര്ക്കും എതിരായ നടപടി പിന്വലിച്ചേക്കും.തിരുവനന്തപുരം മെഡിക്കല് കോളജ് ആശുപത്രിയില് രോഗി പുഴുവരിച്ചതിനെതുടര്ന്ന് സസ്പെന്ഷനിലായ ഡോക്ടര്ക്കും നഴ്സുമാര്ക്കും എതിരായ നടപടി ആണ് പിൻവലിക്കുന്നത്. മെഡിക്കല് വിദ്യാഭ്യാസ വകുപ്പ് ഡയറക്ടറുടെ റിപ്പോര്ട്ടിന്റെ അടിസ്ഥാനത്തിൽ 24 മണിക്കൂറിനകം സസ്പന്ഷൻ നടപടി പുനപരിശോധിക്കാമെന്ന് ആരോഗ്യമന്ത്രി ഡോക്ടര്മാരുടേയും നഴ്സുമാരുടേയും സംഘടനകള്ക്ക് ഉറപ്പ് നല്കിയിട്ടുണ്ട്.
ഡി എം ഇയുടെ റിപ്പോര്ട്ടിന്റെ അടിസ്ഥാനത്തിൽ തുടര് നടപടികള് ഉണ്ടാകുമെന്നും പ്രതികാര നടപടി ആയിരിക്കില്ലെന്നും മന്ത്രി അറിയിച്ചിട്ടുണ്ട്. മന്ത്രിയുടെ ഉറപ്പിൽ ഡോക്ടര്മാരും നഴ്സുമാരും ഇന്നലെ സമരം പിന്വലിച്ചിരുന്നു.