Report: Web Desk
കൊച്ചി: മാളിൽ വെച്ച് യുവ നടിയെ ആക്രമിച്ച സംഭവം.സംഭവത്തിൽ മലപ്പുറം സ്വദേശികളായ ആദിലിന്റെയും റംഷാദിന്റെയും അറസ്റ്റ് രേഖപ്പെടുത്തി.മണിക്കൂറുകള് ദൈര്ഘ്യമുള്ള സിസിടിവി ദൃശ്യങ്ങള് പരിശോധിച്ച പൊലീസ് നാടകീയ നീക്കങ്ങള്ക്കൊടുവിലാണ് പ്രതികളെ ഇന്നലെ കസ്റ്റഡിയില് എടുത്തത്. അഭിഭാഷകനോടൊപ്പം കീഴടങ്ങാന് ശ്രമിക്കവെ കളമശ്ശേരി കുസാറ്റിനടുത്ത് വച്ച് പ്രതികളെ പൊലീസ് കസ്റ്റഡിയില് എടുക്കുകയായിരുന്നു.
സിസിടിവി ദൃശ്യങ്ങള് പുറത്തുവന്നതോടെ ആദിലും റംഷാദും മനഃപൂര്വം നടിയെ ഉപദ്രവിക്കാന് ശ്രമിച്ചിട്ടില്ലെന്നും മാപ്പ് പറയാന് തയാറാണെന്നും മാധ്യമങ്ങളോട് വിശദീകരിച്ചിരുന്നു. നടി പരാതിയില്ലെന്ന് പറഞ്ഞെങ്കിലും എഫ്ഐആര് രജിസ്റ്റര് ചെയ്തതിനാല് നിയമനടപടികള് തുടരും. ഹൈക്കോടതിയില് സമര്പ്പിച്ച മുന്കൂര് ജാമ്യാപേക്ഷ പിന്വലിച്ച് വിചാരണ കോടതിയില് ജാമ്യം തേടാനാണ് പ്രതിഭാഗത്തിന്റെ തീരുമാനം.