Web Desk
വോട്ടര് പട്ടികയിലെ ക്രമക്കേട് അന്വേഷിക്കണമെന്നാവശ്യപ്പെട്ട് കോണ്ഗ്രസ് കേന്ദ്രതിരഞ്ഞെടുപ്പ് കമ്മീഷന് പരാതി നല്കി. വോട്ടെടുപ്പിന് ശേഷം വിരലില് പതിക്കുന്ന മഷി മായ്ക്കാന് രാസവസ്തു വിതരണം ചെയ്യുന്നുവെന്ന ഗുരുതര ആരോപണവുമായി ചെന്നിത്തല രംഗത്തെത്തി. വിഷയത്തില് ഹൈക്കോടതിയെ സമീപിച്ചതിന് പിന്നാലെയാണ് കോണ്ഗ്രസ് കേന്ദ്ര തിരഞ്ഞെടുപ്പ് കമ്മീഷനേയും സമീപിച്ചത്.
മൂന്ന് തലത്തിലാണ് ഇക്കാര്യത്തില് കോണ്ഗ്രസ് കേന്ദ്ര തിരഞ്ഞെടുപ്പ് കമ്മീഷനെ സമീപിച്ചത്. എ ഐ സി സി സംഘം കേന്ദ്ര തിരഞ്ഞെടുപ്പ് കമ്മീഷനെ ഇന്ന് കാണുന്നുണ്ട്. പ്രതിപക്ഷ നേതാവ് എന്ന നിലയില് രമേശ് ചെന്നിത്തലയും പരാതി നല്കി. വോട്ടര് പട്ടികയില് ഇരട്ടിപ്പും ക്രമക്കേടുമെന്ന് കേരളത്തില് നിന്നുള്ള കോണ്ഗ്രസ് എംഎല്എമാരും പരാതി നല്കും.
വോട്ടെടുപ്പിന് ശേഷം കൈയ്യില് തേക്കുന്ന മഷി മയിക്കാന് രാസവസ്തുക്കളുടെ അടക്കം വിതരണം ചെയ്യുന്നു, തിരഞ്ഞെടുപ്പിനെ അട്ടിമറിക്കാന് സിപിഎം ശ്രമിക്കുന്നു നടക്കുന്നു തുടങ്ങിയവയാണ് ചെന്നിത്തല ആരോപിക്കുന്നത്.ഇതിന് വ്യക്തമായ തെളിവുണ്ടോ എന്ന ചോദ്യത്തിന് ചില കേന്ദ്രങ്ങളില് നിന്ന് ഇത്തരത്തില് വിവരം ലഭിച്ചുവെച്ചും ഇക്കാര്യത്തില് കമ്മീഷന്റെ ശ്രദ്ധ വേണമെന്നും അദ്ദേഹം വ്യക്തമാക്കി.
ഇടത് അനുഭാവമുള്ള ഉദ്യോഗസ്ഥരെ പ്രത്യേകം നിയോഗിച്ചുകൊണ്ടാണ് ഇത്തരത്തില് വോട്ടര്പട്ടികയില് ക്രമക്കേട് നടത്തിയതെന്നും ഇത്തരം ഉദ്യോഗസ്ഥര്ക്കെതിരെ നടപടി വേണമെന്നും അദ്ദേഹം ആവശ്യപ്പെട്ടു.